ଗାଜିଆବାଦର ଭୋପୁରାରେ ରୋଷେଇ ଗ୍ୟାସ ସିଲିଣ୍ଡର ବୋଝେଇ ଟ୍ରକରେ ଲାଗିଲା ନିଆଁ, ଭୟାବହ ବିସ୍ଫୋରଣ

ଗାଜିଆବାଦ– ଉତର ପ୍ରଦେଶର ଗାଜିଆବାଦ ଜିଲ୍ଲାର ସାହିବାବାଦ ଥାନା ଅଂଚଳରେ ଭୋପୁରାରେ ଆଜି ଭୋର ସମୟରେ ଭାରତ ଗ୍ୟାସର ରୋଷେଇ ଗ୍ୟାସ ସିଲିଣ୍ଡର ବୋଝେଇ ଏକ ଟ୍ରକରେ ଭୟାବହ ନିଆଁ ଲାଗିଛି । ସିଲିଣ୍ଡର ଫାଟିବା କାରଣରୁ ବିସ୍ଫୋରଣ ହୋଇଛି । ଏହି ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ, ପୂରା ଅଂଚଳ ଦୋହଲିଯାଇଥିଲା । ନିକଟରେ ଥିବା ଦୁଇଟି ଘର ଓ ତିନି ଚାରୋଟି ଗାଡିରେ ନିଆଁ ଲାଗିଯାଇଛି ।

ସୂଚନା ମିଳିବା ପରେ ପୋଲିସ ଘଟଣାସ୍ଥଳରେ ପହଂଚିଛି ଏବେ ଦେଢ ଘଂଟାର କଡା ପରିଶ୍ରମ ପରେ ଫାୟାର ବ୍ରିଗେଡର 10ଟି ଗାଡିରୁ ନିଆଁ ଲିଭାଯାଇଛି । ଏହି ଘଟଣାରେ କେହି ମୃତାହତ ହୋଇନାହାନ୍ତି ।