ଭୁବନେଶ୍ୱର। ଆନ୍ଧ୍ରପ୍ରଦେଶର କକିନାଡ଼ା ଠାରେ ହେବାକୁ ଥିବା ସର୍ବଭାରତୀୟ ବେସାମରିକ ହକି ପ୍ରତିଯୋଗିତା ଆସନ୍ତା ଫେବୃଆରୀ ୧୫ରୁ ୨୮ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ । ଏଥି ପାଇଁ ଉଭୟ ପୁରୁଷ ଓ ମହିଳା ବିଭାଗରେ ଖେଳାଳୀ ଚୟନ ପ୍ରକ୍ରିୟା ଫେବୃଆରୀ ୨ ତାରିଖ ସକାଳ ୧୦ ଘଟିକାରେ ଆଷ୍ଟ୍ରୋ ଟର୍ପ ହକି ପଡ଼ିଆ, ପୋଖରୀପୁଟ, ଭୁବନେଶ୍ୱରଠାରେ ଅନୁଷ୍ଠିତ ହେବ । ସେହିଭଳି ଚଣ୍ଡିଗଡ଼ଠାରେ ହେବାକୁ ଥିବା ସର୍ବଭାରତୀୟ ବେସାମରିକ ଦୌଡ଼କୁଦ ପ୍ରତିଯୋଗିତା ଆସନ୍ତା ଫେବୃଆରୀ ୧୯ରୁ ୨୧ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ । ଏଥି ପାଇଁ ଉଭୟ ପୁରୁଷ ଓ ମହିଳା ଖେଳାଳି ଚୟନ ଆସନ୍ତା ଫେବୃଆରୀ ୨ ତାରିଖ ସକାଳ ସାଢେ ୯ ଘଟିକା ସମୟରେ ପୋଖରୀପୁଟସ୍ଥିତ ଡି.ଏ.ଭି ସ୍କୁଲ ନିକଟସ୍ଥ ବିହାରିଲାଲ ଷ୍ଟାଡିୟମ୍ ଠାରେ ଅନୁଷ୍ଠିତ ହେବ ।
ଏହି ପ୍ରତିଯୋଗିତାରେ କେବଳ ନିୟମିତ ସରକାରୀ ଚାକିରିରେ ଥିବା କର୍ମଚାରୀମାନେ ଭାଗ ନେଇପାରିବେ । ଏହି ଖେଳରେ ଯେଉଁମାନେ ଭାଗ ନେବାକୁ ଚାହୁଁଛନ୍ତି, ସେମାନେ ନିଜର ସେବା ପୁସ୍ତିକାର ପ୍ରଥମ ପୃଷ୍ଠା, ବିଭାଗ/ଅଫିସ ପରିଚୟ ପତ୍ର ସହ ଏକ ପାସପୋର୍ଟ ଫଟୋ ଏବଂ ନିଜର ବିଭାଗ କିମ୍ବା ଅଫିସରୁ ‘ନୋ ଅବ୍ଜେକ୍ସନ୍ ସାର୍ଟିଫିକେଟ’ ସାଙ୍ଗରେ ଆଣି ଉକ୍ତ ସ୍ଥାନରେ ନିର୍ଦ୍ଧାରିତ ସମୟରେ ପଞ୍ଜିକରଣ କରି ଚୟନ ପ୍ରକ୍ରିୟାରେ ଭାଗନେଇ ପାରିବେ । ଅଧିକ ବିବରଣୀ ପାଇଁ ଶ୍ରୀ ହର ପ୍ରସାଦ ବିଶ୍ୱାଳ (୯୪୩୭୨୨୮୬୮୭), ଶ୍ରୀ ଆନନ୍ଦ କୁମାର ସୋରେଙ୍ଗ (୯୪୩୮୧୭୩୪୭୬), ଶ୍ରୀ ଦେବରାଜ ନାୟକ (୯୧୭୮୩୨୧୯୦୧) ଏବଂ ଶ୍ରୀ ଅକ୍ଷୟ ପରିଡ଼ା (୬୩୭୧୪୫୩୩୫୪)ଙ୍କୁ ଯୋଗାଯୋଗ କରିପାରିବେ ।
