ଢ଼େଙ୍କାନାଳ- ଢ଼େଙ୍କାନାଳ ଜିଲ୍ଲା ମୋଟଙ୍ଗା ଥାନା ଅନ୍ତର୍ଗତ ନାଣ୍ଡିପୋଲିଆ ଗ୍ରାମରେ ଜଣେ ବ୍ୟକ୍ତି ଅତ୍ୟନ୍ତ ନିର୍ମମ ଭାବେ ବ୍ଲେଡ୍ ସାହାଯ୍ୟରେ ସ୍ତ୍ରୀର ତଂଟିକାଟି ହତ୍ୟା କରିଛି । ମୃତକଙ୍କ ନାମ ସବିତା ନାୟକ ଏବଂ ଅଭିଯୁକ୍ତ ସ୍ୱାମୀର ନାମ ସୁବାସ ନାୟକ ବୋଲି ଜଣାପଡିଛି ।
ଆଜି ସକାଳେ କୌଣସି କଥାକୁ ନେଇ ଉଭୟ ପତି ପତ୍ନୀଙ୍କ ମଧ୍ୟରେ ଝଗଡ଼ା ହୋଇଥିଲା । ଏହାପରେ ସବିତା ଶୋଇଥିବା ଅବସ୍ଥାରେ ସୁବାସ ଏକ ଧାରୁଆ ବ୍ଲେଡ଼୍ ସାହାଯ୍ୟରେ ତାଙ୍କ ତଂଟି କାଟି ଦେଇଥିଲା । ଗଭୀର କ୍ଷତ ଓ ପ୍ରବଳ ରକ୍ତସ୍ରାବ ଯୋଗୁଁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ଖବର ପାଇ ମୋଟଙ୍ଗା ଥାନା ପୋଲିସ ଘଟଣାସ୍ଥଳରେ ପହଂଚି ମୃତ ମହିଳାଙ୍କ ଶବ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ଘଟଣାରେ ଅଭିଯୁକ୍ତ ସ୍ୱାମୀ ସୁବାସକୁ ଅଟକ ରଖି ପଚରା ଉଚୁରା ଚଳାଇଛି । ପୋଲିସ ପକ୍ଷରୁ ଏନେଇ ତଦନ୍ତ ଜାରୀ ରହିଛି ।
