ଭୁବନେଶ୍ୱର– କମିସନରେଟ ପୋଲିସର ସ୍ପେଶାଲ ଡ୍ରାଇଭ । ବିଭିନ୍ନ ସ୍ଥାନରେ ରେଡ୍ ସମୟରେ ମାଦକ ଦ୍ରବ୍ୟ ଜବତ ହୋଇଥିବା ସୂଚନା ଦେଇଛନ୍ତି ପୋଲିସ କମିସନର ସୁରେଶ ଦେବଦତ୍ତ ସିଂ । ମୈତ୍ରୀ ବିହାର ହାତୀଆଶୁଣି ଅଞ୍ଚଳରୁ 42କେଜି ଗଞ୍ଜେଇ ଜବତ ହୋଇଛି । ଏହି ଘଟଣାରେ 5ଜଣଙ୍କୁ ଗିରଫ କରିଛି ମୈତ୍ରୀ ବିହାର ଥାନା ପୋଲିସ । ଜବତ ଗଞ୍ଜେଇର ଆନୁମାନିକ ମୂଲ୍ୟ 4ଲକ୍ଷ ରୁ ଅଧିକ ଟଙ୍କା ହେବ । ଏହାସହିତ ନଗଦ 20ହଜାର ଟଙ୍କା ଓ 3ଟି ବାଇକ ମଧ୍ୟ ଜବତ କରିଛି ପୋଲିସ । ସେହିଭଳି ବାଲିଅନ୍ତା ଥାନା ପୋଲିସ ପକ୍ଷରୁ 260ଗ୍ରାମ ବ୍ରାଉନସୁଗର ଜବତ କରିଛି । 4ଜଣ ଅଭିଯୁକ୍ତଙ୍କୁ ଗିରଫ କରିଛି ବାଲିଅନ୍ତା ଥାନା ପୋଲିସ । ଜବତ ବ୍ରାଉନସୁଗରର ଆନୁମାନିକ ମୂଲ୍ୟ 26ଲକ୍ଷ ଟଙ୍କା ହେବ । ଗୋଟିଏ କାର ଓ 22000 ନଗଦ ଟଙ୍କା ଜବତ କରିଛି ପୋଲିସ ।
