ବଲାଙ୍ଗିର, ଭାରତ ସରକାରଙ୍କ ସଂସ୍କୃତି ମନ୍ତ୍ରାଳୟ ତରଫରୁ ୨୦୨୨-୨୩ ବର୍ଷ ପାଇଁ ବଲାଙ୍ଗିରର ଝିଅ ସ୍ଵପ୍ନା ପଟ୍ଟନାୟକ ଜୁନିୟର୍ ଫେଲୋସିପ୍ ପାଇବା ପାଇଁ ଯୋଗ୍ୟ ମନୋନୀତ ହୋଇଛନ୍ତି । ପଶ୍ଚିମ ଓଡ଼ିଶାର ଲୁପ୍ତପ୍ରାୟ ଢାପ ନୃତ୍ୟରେ ପାରଦର୍ଶିତା ଓ ଏହା ଉପରେ ଗବେଷଣା କରି ସ୍ଵପ୍ନା ସମ୍ମାନଜନକ ଜୁନିୟର୍ ଫେଲୋସିପ୍ ପାଇବା ପାଇଁ ମନୋନୀତ ହୋଇଛନ୍ତି l ବଲାଙ୍ଗିର ସହର ମହାଲକ୍ଷ୍ମୀ ନଗର ବାସିନ୍ଦା ସୀମାଞ୍ଚଳ ପଟ୍ଟନାୟକଙ୍କ ସୁପୁତ୍ରୀ ସ୍ଵପ୍ନା ପିଲାଟି ଦିନରୁ ନାଚ,ଗୀତ ଓ ଅଭିନୟ ପ୍ରତି ଗଭୀର ରୁଚି ରଖିଥିଲେ l ଢାପ ନୃତ୍ୟ କ୍ଷେତ୍ରରେ ନିଜର ଅନ୍ତର୍ନିହିତ ପ୍ରତିଭା ପାଇଁ ତାଙ୍କୁ ଏହି ସମ୍ମାନ ମିଳିଛି l ସ୍ଵପ୍ନା ଙ୍କ ଏହି ସଫଳତା ପାଇଁ ତାଙ୍କୁ ବଲାଙ୍ଗିରର କୋଶଲ ଫୋକ ଏକାଡେମୀ ତରଫରୁ ଅଭିନନ୍ଦନ ଜ୍ଞାପନ କରାଯାଇଛି
