ଶିମଲା- ରାଜଧାନୀ ଶିମଲାର ସୁନି ଥାନା ଅନ୍ତର୍ଗତ ଧାମି-ସୁନି ରାସ୍ତାରେ ରବିବାର ବିଳମ୍ବିତ ରାତିରେ ଘଟିଯାଇଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା । ବାଗିପୁଲ ବୈଜୁ ନାମକ ସ୍ଥାନରେ ସିମେଂଟ ବୋଝେଇ ଟ୍ରକ୍ ଭାରସାମ୍ୟ ହରାଇ ଉପତ୍ୟାକାରେ ଖସିପଡିଥିଲା । ଦୁର୍ଘଟଣାରେ ଟ୍ରକ୍ ଚାଳକ ଏବଂ ତାର ବଡ ଭାଇର ଘଟଣାସ୍ଥଳରେ ମୃତ୍ୟୁ ଘଟିଛି । ରାତି ପ୍ରାୟ ୧ଟା ସମୟରେ ଏହି ଦୁର୍ଘଟଣା ଘଟିଛି ।
ଖବର ପାଇ ସୁନି ଥାନା ଏଏସଆଇ ରାମଲାଲ ନିଜ ଟିମ୍ ସହିତ ତୁରନ୍ତ ଘଟଣାସ୍ଥଳରେ ପହଂଚି ଥିଲେ । ସ୍ଥାନୀୟ ଲୋକଙ୍କ ସହାୟତା କ୍ରମେ ଘଟଣାସ୍ଥଳରେ ସର୍ଚ୍ଚ ଅପରେସନ ଆରମ୍ଭ ହୋଇଥିଲା । ଦୀର୍ଘ ଘଂଟାର ପ୍ରଚେଷ୍ଟା ପରେ ଆଜି ସକାଳେ ଉପତ୍ୟାକାରୁ ଦୁର୍ଘଟଣାଗ୍ରସ୍ତ ଟ୍ରକ୍ କୁ ଖୋଜି ବାହାର କରାଯାଇଥିଲା ।
