ନୂଆଦିଲ୍ଲୀ– ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଭାରତ ମଣ୍ଡପମରେ ଭାରତୀୟ ପାଣିପାଗ ବିଭାଗର 150ତମ ସ୍ଥାପନା ଦିବସ ଅବସରରେ ଆୟୋଜିତ ସମାରୋହରେ ମିଶନ ପାଣିପାଗର ଶୁଭାରମ୍ଭ କରିଛନ୍ତି । ପ୍ରଧାନମନ୍ତ୍ରୀ ଏହି ଅବସରରେ ଆଇଏମଡି ଭିଜନ-2047 ଦସ୍ତାବିଜ ଓ ଆଇଏମଡିର 150 ବର୍ଷ ପୂରଣ ହେବା ଉପଲକ୍ଷେ ଏକ ସ୍ମାରକ ମୁଦ୍ରା ବି ଜାରି କରିଛନ୍ତି ।
ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ଭାରତ ଏକ ଜଳବାୟୁ-ସ୍ମାର୍ଟ ଦେଶ ବନୁ ଏଥିପାଇଁ ଆମେ ମିଶନ ମୌସୁମ ଲଂଚ କରିଛୁ । ମିଶନ ପାଣିପାଗ ସ୍ଥାୟୀ ଭବିଷ୍ୟତ ଓ ଭବିଷ୍ୟତର ତତ୍ପରତାକୁ ନେଇ ଭାରତର ପ୍ରତିବଦ୍ଧତାର ବି ପ୍ରତୀକ ଅଟେ । ପ୍ରଧାନମନ୍ତ୍ରୀ ବୈଜ୍ଞାନିକଙ୍କୁ ଭୂକମ୍ପ ପାଇଁ ଚେତାବନୀ ପ୍ରଣାଳୀ ବିକଶିତ କରିବା ଦିଗରେ କାମ କରିବାକୁ ଅପିଲ କରିଛନ୍ତି । ସେ କହିଛନ୍ତି, ଭୂକମ୍ପ ପାଇଁ ଚେତାବନୀ ପ୍ରଣାଳୀ ବିକଶିତ କରିବାର ଆବଶ୍ୟକତା ରହିଛି ଏବଂ ବୈଜ୍ଞାନିକ ତଥା ଗବେଷକମାନେ ଏହି ଦିଗରେ କାମ କରିବା ଆବଶ୍ୟକ । ସେ କହିଛନ୍ତି ଯେ, ପାଣିପାଗ ବିଜ୍ଞାନରେ ପ୍ରଗତିରୁ ଦେଶକୁ ପ୍ରାକୃତିକ ବିପଦରୁ ହେଉଥିବା କ୍ଷତିକୁ କମ କରିବାର ସହଯୋଗ ମିଳିବ ।
