ନଗାଓଁ– ନଗାଓଁ ଜିଲ୍ଲାର କଲିୟାବରର ଆମନୀ ଅଂଚଳରେ ଶୁକ୍ରବାର ରାତିରେ ସଡକ ଦୁର୍ଘଟଣାରେ 3ଜଣ ଶ୍ରମିକଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି । ଶ୍ରମିକଙ୍କୁ ନେଇକରି ଯାଉଥିବା ଗାଡି ଟ୍ରକ ସହ ଧକ୍କା ହୋଇଥିଲା ।
ଦୁର୍ଘଟଣାରେ ପିକଅପ ଭ୍ୟାନରେ ଥିବା 15 ଶ୍ରମିକ ଗୁରୁତର ଭାବେ ଆହତ ହୋଇଛନ୍ତି । ଆହତଙ୍କୁ କଲିୟାବର ଉପମଣ୍ଡଳ ସିଭିଲ ହସ୍ପିଟାଲ, ସାମଗୁରୀ ଓ ତେଜପୁର ରେଫର କରାଯାଇଛି ।
ସୂଚନା ଅନୁସାରେ ପିକଅପ ଭ୍ୟାନରେ ଥିବା 18ଜଣ ଶ୍ରମିକ ନିର୍ମାଣ କାର୍ଯ୍ୟ ପରେ ନଗାଓଁ ଫେରୁଥିଲେ । ସେହି ସମୟରେ ପଛରୁ ଦ୍ରୁତ ଗତିଆସୁଥିବା ଟ୍ରକ ଭ୍ୟାନକୁ ଧକ୍କା ଦେଇଥିଲା । ଫଳରେ ଭ୍ୟାନ ରାସ୍ତା କଡକୁ ଓଲଟି ପଡିଥିଲା ।
