ସୁକମା-ଛତିଶଗଡରେ ପୁଣି ଥରେ ମିଳିତ ସୁରକ୍ଷା ବଳ ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ଚାଲିଛି । ଏହି ଗୁଳି ବିନିମୟ ଛତିଶଗଡର ସୁକମା ଏବଂ ବିଜାପୁର ଜିଲ୍ଲାର ସୀମାରେ ଗୁରୁବାର ସକାଳୁ ଜାରି ରହିଛି । ପ୍ରାରମ୍ଭିକ ସୂଚନା ମୁତାବକ ଏହି ଗୁଳି ବିନିମୟରେ ତିନିଜଣ ନକ୍ସଲଙ୍କ ମୃତ୍ୟୁବରଣ କରିଥିବାର ଖବର ଆସିଛି ।
ସୁକମା ଜିଲ୍ଲାର ପୋଲିସ ଅଧୀକ୍ଷକ କିରଣ ଚୌହ୍ୱାଣ ଏନେଇ ସୂଚନା ଦେଇଛନ୍ତି । ସେ କହିଛନ୍ତି ଯେ, ଆଜି ସକାଳୁ ସୁରକ୍ଷାବଳ ଏବଂ ନକ୍ସଲଙ୍କ ମଧ୍ୟରେ ଗୁଳି ବିନିମୟ ଜାରି ରହିଛି । ଗୁଳି ବିନିମୟ ସ୍ଥାନ ଓ ଆଖପାଖ ଅଂଚଳରେ ସୁରକ୍ଷାବଳ ପକ୍ଷରୁ ସଘନ ସର୍ଚ୍ଚିଂ କରାଯାଉଛି ।
ସୁକମା ଏବଂ ବିଜାପୁର ଜିଲ୍ଲାର ସୀମାନ୍ତବର୍ତ୍ତୀ ଅଂଚଳରେ ନକ୍ସଲ ପ୍ରଭାବିତ ଅଂଚଳରେ ସୁକମା, ଡିଆରଜି, ଏସଟିଏଫ ଓ କୋବରାର ମିଳିତ ଟିମ୍ ନକ୍ସଲ ଉପସ୍ଥିତି ସଂପର୍କରେ ସୂଚନା ପାଇବା ପରେ ଅଭିଯାନ ଆରମ୍ଭ କରିଥିଲେ ।
