ନୂଆପଡ଼ା– ୧୮ତମ ପ୍ରବାସୀ ଭାରତୀୟ ଦିବସ ପାଳନ ଅବସରରେ ଖଡ଼ିଆଳ ବ୍ଲକସ୍ତରୀୟ ବିଭିନ୍ନ ପ୍ରତିଯୋଗିତା ସ୍ଥାନୀୟ ରାଜା ଆର୍ତ୍ତତ୍ରାଣ ସରକାରୀ ଉଚ୍ଚ ବିଦ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ପୁରସ୍କାର ବିତରଣ ସମାରୋହରେ ଖଡ଼ିଆଳ ଗୋଷ୍ଠୀ ଶିକ୍ଷା ଅଧିକାରୀ କାନ୍ହୁ ଚରଣ ନାଏକ ଅଧ୍ଯକ୍ଷତା କରିଥିବା ବେଳେ ରାଜା ଆର୍ତ୍ତତ୍ରାଣ ସରକାରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ପ୍ରଦୋଷ କୁମାର ସାହୁ, ସହକାରୀ ଶିକ୍ଷକ ଅଶୋକ କୁମାର ବେହେରା, ଗୌରାଙ୍ଗ କୁମାର ସାହୁ, ସିଆରସିସି ଲକ୍ଷ୍ମୀ ନାରାୟଣ ସାହୁ ପ୍ରମୁଖ ମଞ୍ଚାସୀନ ରହି ପ୍ରବାସୀ ଦିବସର ଆଭିମୁଖ୍ୟ ଓ ବିଭିନ୍ନ ଦିଗ ଉପରେ ଆଲୋଚନା କରିଥିଲେ। ବିଚାରକ ଭାବରେ ଶିକ୍ଷକ ଜୟଦେବ ବେହେରା, ଫକୀର ମୋହନ ମିଶ୍ର, ଚତୁର୍ଭୁଜ ସିଂହ ଦେଓ ପ୍ରମୁଖ ଦାୟିତ୍ୱ ନିର୍ବାହ କରିଥିଲେ। ଅନୁଷ୍ଠିତ ନବମ ଓ ଦଶମ ଶ୍ରେଣୀ ପାଇଁ ପ୍ରବନ୍ଧ ପ୍ରତିଯୋଗିତାରେ ଖୁଦପେଜ୍ ପଞ୍ଚାୟତ ଉଚ୍ଚ ବିଦ୍ୟାଳୟର ଛାତ୍ରୀ ନନ୍ଦିନୀ ପୋଡ଼, ପୋଷ୍ଟର ପ୍ରତିଯୋଗିତାରେ ଜୟକିଷାନ ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ର ପ୍ରୟାସ ସୋନି, ଅଷ୍ଟମ ଶ୍ରେଣୀ ପୋଷ୍ଟରରେ ରାଜା ଆର୍ତ୍ତତ୍ରାଣ ସରକାରୀ ଉଚ୍ଚ ବିଦ୍ୟାଳୟର ଛାତ୍ର ନାନେଶ ଧୀବର, ଉଚ୍ଚ ମାଧ୍ୟମିକ ସ୍ତରରେ ପୋଷ୍ଟର, ଓଡ଼ିଆ କୁଇଜ, ଇଂରାଜୀ କୁଇଜ ଓ ଧୀର ସାଇକେଲ ଚାଳନା ପ୍ରତିଯୋଗିତାରେ ଯଥାକ୍ରମେ ଦିବ୍ଯାସିନୀ ସୁନାନୀ, ଧନମତି ପୋଡ଼, ହରିପ୍ରିୟା କେତକୀ ଓ ପିୟୂଷ କୁମାର ଦଣ୍ଡସେନା ପ୍ରଥମ ସ୍ଥାନ ଅଧିକାର କରି ଜିଲ୍ଲାସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିବା ପାଇଁ ଯୋଗ୍ଯ ବିବେଚିତ ହୋଇଛନ୍ତି ।
