ଭୁବନେଶ୍ୱର– ବରଗଡ ଧନୁଯାତ୍ରାର ଶୁଭେଚ୍ଛା ଜଣାଇଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଏକ୍ସ ହ୍ୟାଣ୍ଡେଲରେ ରାଷ୍ଟ୍ରପତି କହିଛନ୍ତି ଯେ, ବରଗଡ଼ର ପ୍ରସିଦ୍ଧ ଧନୁଯାତ୍ରା ଉପଲକ୍ଷେ ଦେଶବାସୀଙ୍କୁ ବିଶେଷକରି ଓଡ଼ିଶାବାସୀଙ୍କୁ ମୋର ଆନ୍ତରିକ ଶୁଭେଚ୍ଛା ଜଣାଉଛି । ବିଶାଳ ମୁକ୍ତାକାଶ ରଙ୍ଗମଞ୍ଚ ପାଇଁ ଏହି ଯାତ୍ରା ଦେଶବିଦେଶରେ ଜଣାଶୁଣା । ଆମ ପୌରାଣିକ କଥାବସ୍ତୁ ଭିତ୍ତିରେ ପରିବେଷିତ ଲୋକନାଟକ ଦେଶବାସୀଙ୍କ ମନରେ ଆଧ୍ୟାତ୍ମିକ ଭାବ ସଞ୍ଚାର କରିବ ବୋଲି ମୋର ଆଶା । ମୁଁ ଧନୁଯାତ୍ରା ମହୋତ୍ସବର ସଫଳତା କାମନା କରୁଅଛି।
