ସୁରଟ– ଆରଏସଏସର ସରସଂଘଚାଳକ ମୋହନ ଭାଗବତ ବୁଧବାର ରାତିରେ ଗୁଜରାଟ ଭଲସାଡ ଜିଲ୍ଲା ଗସ୍ତ କରିବେ । ଭାଗବତ ଗୁରୁବାର ଭଲସାଡ ଜିଲ୍ଲାର ଧରମପୁରରେ ଆୟୋଜିତ ଦୁଇଟି କାର୍ଯ୍ୟକ୍ରମରେ ସାମିଲ ହେବେ । ଏହି ଅବସରରେ ସେ ସଂଘର ସ୍ଥାନୀୟ ସ୍ୱୟଂସେବକଙ୍କୁ ବି ଭେଟିବେ ।
ସଂଘର ଗୁଜରାଟ ପ୍ରାନ୍ତ ପ୍ରଚାର ପ୍ରମୁଖ ବିଜୟ ଠାକରଙ୍କ ଅନୁସାରେ ଆରଏସଏସ ପ୍ରମୁଖ ମୋହନ ଭାଗବତ ବୁଧବାର ରାତିରେ ସୁରଟରେ ପହଂଚିବେ । ସୁରଟ ଏୟାରପୋର୍ଟରୁ ସେ ରାତିରେ ହିଁ ଭଲସାଡ ଜିଲ୍ଲା ଯିବେ । ରାତି ବିଶ୍ରାମ ପରେ ସେ ଜାନୁୟାରୀ 2 ତାରିଖ ସକାଳ 9ଟାରୁ 10 ଯାଏ ଭଲସାଡ ଜିଲ୍ଲାର ଧରମପୁରରେ ଆୟୋଜିତ ଶ୍ରୀମଦ ରାଜଚନ୍ଦ୍ର ମିଶନ ଆଶ୍ରମରେ କାର୍ଯ୍ୟକ୍ରମରେ ଯୋଗ ଦେବେ । ଏହାପରେ ଅପରାହ୍ନ 4ଟାରେ ଶ୍ରୀ ସଦଗୁରୁଧାମ ଯିବେ ।
