କୋଲକାତା– ପଶ୍ଚିମବଙ୍ଗର ସ୍ପେଶାଲ ଟାସ୍କ ଫୋର୍ସ ମୁର୍ସିଦାବାଦ ଜିଲ୍ଲାର ନବଦା ଥାନା ଅଂଚଳରୁ ଦୁଇ ଯୁବକଙ୍କୁ ଆତଙ୍କବାଦୀ ଗତିବିଧିରେ ସାମିଲ ଥିବା ଅଭିଯୋଗରେ ଗିରଫ କରିଛି । ଗିରଫ ଅଭିଯୁକ୍ତମାନଙ୍କ ପରିଚୟ ସଜିବୁଲ ଇସଲାମ ଓ ମୁସ୍ତାକିମ ମଣ୍ଡଳ । ଦୁଇ ଅଭିଯୁକ୍ତ ନବଦା ଥାନା ଅଂଚଳର ବାସିନ୍ଦା ।
ଏସଟିଏଫର ଏସପି ଆଇପିଏସ ଇନ୍ଦ୍ରଜିତ ବସୁ ମଙ୍ଗଳବାର ଏହି ସୂଚନା ଦେଇଛନ୍ତି । ସେ କହିଛନ୍ତି ଯେ, ଏହି ଦୁଇ ଅଭିଯୁକ୍ତଙ୍କ ଗତିବିଧି ଉପରେ ଦୀର୍ଘ ସମୟରୁ ନଜର ରଖାଯାଇଥିଲା । ବିସ୍ତୃତ ଯାଂଚ ପରେ ସେମାନଙ୍କୁ ସ୍ୱତନ୍ତ୍ର ଅଭିଯାନରେ ଗିରଫ କରାଯାଇଛି । ଉଭୟଙ୍କ ନାମରେ ନବଦା ଥାନାରେ ମାମଲ ରୁଜୁ କରାଯାଇଛି । ଉଭୟଙ୍କୁ ପଚରାଉଚରା ଜାରି ରହିଛି ।
