ଇମ୍ଫାଲ– ଭାରତୀୟ ସେନା, ମଣିପୁର ପୋଲିସ ଓ ଅନ୍ୟ ସୁରକ୍ଷାବଳର ମିଳିତ ଅଭିଯାନ ସମୟରେ ମଣିପୁରର ପାହାଡିଆ ଅଂଚଳରୁ ବିପୁଳ ପରିମାଣର ଅସ୍ତ୍ରଶସ୍ତ୍ର, ଗୋଳା ବାରୁଦ ଓ ଯୁଦ୍ଧ ସାମଗ୍ରୀ ଜବତ ହୋଇଛି । ଏହି ଅଭିଯାନ ଇମ୍ଫାଲ ଇଷ୍ଟ, ଟେଙ୍ଗନୌପାଲ, ଯାଙ୍ଗିୟାଙ୍ଗପାକି ଓ ଚୁରାଚାନ୍ଦପୁର ଜିଲ୍ଲାରେ ଚାଲିଛି ।
ଭାରତୀୟ ସେନାର ପୂର୍ବ କମାଣ ମୁଖ୍ୟାଳୟ ଫୋର୍ଟ ୱିଲିୟମ ପକ୍ଷରୁ ସୋମବାର ଜାରି ବୟାନରେ କୁହାଯାଇଛି ଯେ, ଡିସେମ୍ବର 23 2024ରେ ଇମ୍ଫାଲ ଇଷ୍ଟ ଜିଲ୍ଲାର ନଗାରିୟନ ହିଲ୍ ଅଂଚଳରେ ଅସ୍ତ୍ରଶସ୍ତ୍ର ଥିବା ସୂଚନା ମିଳିବା ପରେ ଭାରତୀୟ ସେନା ଓ ମଣିପୁର ପୋଲିସ ପକ୍ଷରୁ ମିଳିତ ଅଭିଯାନ ଆରମ୍ଭ ହୋଇଥିଲା । ଏହି ରେଡ ସମୟରେ ମେସିନ ଗନ୍, 12 ବୋର ସିଙ୍ଗଲ ବ୍ୟାରେଲ ଗନ୍, ଏମଏମ ପିସ୍ତଲ, ଟ୍ୟୁବ ଲଂଚର, ବିସ୍ଫୋଟକ, ଗୋଳା ବାରୁଦ ଓ ଅନ୍ୟ ଯୁଦ୍ଧ ସାମଗ୍ରୀ ଜବତ ହୋଇଛି ।
