ଭଞ୍ଜନଗ- ଆଜି ଦିନ ପ୍ରାୟ ୧୨ଟା ସମୟରେ ଭଞ୍ଜନଗର ଥାନା ଅନ୍ତର୍ଗତ ଧୁମୁଛାଇ ଗ୍ରାମର ଜଣେ ଯୁବକକୁ ତାର ସାଙ୍ଗମାନେ ପେଟ୍ରୋଲ ଢାଳି ନିଆଁ ଲଗାଇ ଦେବାରୁ ସେ ପୋଡ଼ି ହୋଇ ଗୁରୁତର ଅବସ୍ଥାରେ ବ୍ରହ୍ମପୁର ମେଡ଼ିକାଲ କୁ ସ୍ଥାନାନ୍ତର ହୋଇଛି। ସଞ୍ଜୟ ନାୟକ(୨୪) ଦିନ ସାଢେ ୧୧ଟାରେ ଖାଇ ସାରି ଘରୁ ବାହାରିବାର କିଛି ସମୟ ପରେ ତାର ବାପା ଶତ୍ରୁଘନ ପୁଅକୁ କେହି ନିଆଁ ଲଗେଇ ଦେଇଥିବା ଖବର ପାଇ ଢ଼ିମିରି ପଲ୍ଲୀ ଛକକୁ ଯାଇଥିଲେ।ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ସଞ୍ଜୟ କୁ ଉଦ୍ଧାର କରି ଭଞ୍ଜନଗର ମେଡ଼ିକାଲ ଆଣିଥିଲେ। ହେଲେ ସଞ୍ଜୟର ଶରୀର ୫୦ଭାଗରୁ ଉର୍ଦ୍ଧ୍ବ ଅଂଶ ପୋଡିଯାଇଥିବାରୁ ତାକୁ ବ୍ରହ୍ମପୁର ମେଡିକାଲ ପଠାଯାଇଛି।ଏଥିରେ ତାର ୨ସାଙ୍ଗ ସୁଦର୍ଶନ ସ୍ୱାଇଁ ଓ କାଳିଆ ନାୟକ ସାମିଲ ଥିବା ଶତ୍ରୁଘନ ଜଣାଇଛନ୍ତି।ପୋଲିସ ଘଟଣାର ତଦନ୍ତ ଚଳେଇଥିବା ଜଣାପଡିଛି।
