ସିୟୋଲ– ଦକ୍ଷିଣ କୋରିୟାର ମୁଆନ ଆନ୍ତର୍ଜାତିକ ବିମାନବନ୍ଦରରେ ରବିବାର ଏକ ବିମାନରେ ନିଆଁ ଲାଗିବାରୁ ବଡ ଦୁର୍ଘଟଣା ଘଟିଛି । ଦୁର୍ଘଟଣାରେ ୨୮ ଯାତ୍ରୀଙ୍କ ମୃତ୍ୟୁ ଘଟିଛି । ଏପରିକି ମୃତ୍ୟୁ ସଂଖ୍ୟା ବୃଦ୍ଧି ପାଇବାର ଆଶଙ୍କା ରହିଛି ।
ସୂଚନା ଅନୁସାରେ, ଏହି ବିମାନ ଜେଜୁ ଏୟାରର ବୋଇଂଗ- ୭୩୭-୮୦୦ ଥିଲା । ବିମାନଟି ୧୭୪ ଜଣ ଯାତ୍ରୀ ଏବଂ ୬ କ୍ରୁ ମେମ୍ବର ସହିତ ୧୮୦ ଜଣ ଲୋକଙ୍କୁ ନେଇ ବ୍ୟାଙ୍କକ୍ ରୁ ଫେରୁଥିଲା । ବିମାନଟି ରନୱେରୁ ଖସି ପାଚେରୀରେ ଧକ୍କା ଦେଇଥିଲା । ଏହାପରେ ସେଥିରେ ନିଆଁ ଲାଗି ଯାଇଥିଲା । ବିମାନବନ୍ଦରରେ ମୁତୟନ ଥିବା ଅଗ୍ନଶମ ଟିମ୍ ନିଆଁକୁ ଆୟତ କରିଥିଲେ । ଆହତ ମାନଙ୍କୁ ହସ୍ପିଟାଲରେ ଭର୍ତି କରାଯାଇଥିଲା । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି । ଦୁର୍ଘଟଣା ବାବଦରେ ତଦନ୍ତ ଚାଲିଛି ।
ଏଠାରେ ଉଲ୍ଲେଖଯୋଗ୍ୟ, କିଛିଦିନ ପୂର୍ବରୁ କଜାକିସ୍ତାନରେ ଏକ ବିମାନ ଦୁର୍ଘଟଣା ହୋଇଥିଲା । ଏଥିରେ ଯାତ୍ରା କରୁଥିବା ୬୭ ଜଣଙ୍କ ମଧ୍ୟରୁ ୩୮ ଜଣଙ୍କ ମୃତ୍ୟୁ ହୋଇଥିଲା ।
