ଜଗଦଳପୁର– ଛତିଶଗଡ଼ର ରାୟପୁର ଏବଂ ସୁକମାରେ ପୂର୍ବତନ ମନ୍ତ୍ରୀ, ତାଙ୍କ ପୁଅ ଏବଂ ସୁକମା ନଗରପାଳିକା ଅଧ୍ୟକ୍ଷଙ୍କ ଘରେ ଚଢ଼ଉ କରିଛି ଇଡ଼ି ।
ସୂଚନା ଅନୁସାରେ, ଭୂପେଶ ସରକାରରେ ମନ୍ତ୍ରୀ ଥିବା କବାସୀ ଲଖମାଙ୍କ ରାୟପୁର ସ୍ଥିତ ଧରମପୁରା ସ୍ଥିତ ଘରେ ଏବଂ ତାଙ୍କ ପୁଅ ସୁକମା ଜିଲ୍ଲା ପଂଚାୟତ ଅଧ୍ୟକ୍ଷ ହରିଶ ଲଖମାଙ୍କ ସୁକମା ସ୍ଥିତ ଘରେ ଚଢ଼ଉ କରିଛି ଇଡି । ଏଥି ସହିତ ନଗରପାଳିକା ଅଧ୍ୟକ୍ଷ ଜଗନ୍ନାଥ ରାଜୁ ସାହୁଙ୍କ ଘରେ ବହୁ ସଂଖ୍ୟାରେ ସୁରକ୍ଷା ବଳର ଯବାନ ଉପସ୍ଥିତ ଅଛନ୍ତି । ରାୟପୁରରେ ପୂର୍ବତନ ମନ୍ତ୍ରୀ କବାସୀ ଲଖମାଙ୍କ ଘରେ ଇଡି ଟିମ୍ ଯାଂଚ୍ କରୁଛି । ସେଠାରେ ବହୁ ସଂଖ୍ୟାରେ ସୁରକ୍ଷା ବଳର ଯବାନ ଉପସ୍ଥିତ ଅଛନ୍ତି । ପୂର୍ବତନ ମନ୍ତ୍ରୀ କବାସୀ ଲଖମାଙ୍କ ପୁଅ ହରିଶ କବାସି ଗତ ଦୁଇ ଥର ହେଲା ଜିଲ୍ଲା ପଂଚାୟତ ଅଧ୍ୟକ୍ଷ ରହିଛନ୍ତି । ସେହିପରି ତାଙ୍କ ପିତା କବାସୀ ଲଖମା କଂଗ୍ରେସ ସରକାରରେ ଅବକାରୀ ମନ୍ତ୍ରୀ ରହିଛନ୍ତି । ସିଭିକ୍ ବଡିଜ୍ ନିର୍ବାଚନ ପୂର୍ବରୁ ଚଢ଼ଉକୁ ନେଇ କଂଗ୍ରେସ ନେତାଙ୍କ ମଧ୍ୟରେ ହଡ଼କମ୍ପ ସୃଷ୍ଟି ହୋଇଛି ।
ଏଠାରେ ଉଲ୍ଲେଖଯୋଗ୍ୟ, ୨୧୬୧ କୋଟିର ମଦ ଦୁର୍ନୀତି ମାମଲାରେ ଇଡି ଟ୍ରିପଲ୍ ଏ ତଥା, ଆଇଏଏସ ଅଧିକାରୀ, ଅନବର ଢେବର ଏବଂ ଅରୁଣପତି ତ୍ରିପାଠୀଙ୍କୁ ଦୁର୍ନୀତିର ମାଷ୍ଟରମାଇଣ୍ଡ କହିଛି । ଯାହାପରେ ଏସିବି ଏହି ମାମଲାରେ ପୃଥକ୍ କାର୍ଯ୍ୟାନୁଷ୍ଠାନ କରୁଛି ।
