ମାଲକାନଗିରି – ଚିତ୍ରକୋଣ୍ଡା ଜଳଭଣ୍ଡରରେ ଗତକାଲି ସଂନ୍ଧ୍ୟାରେ ଏକ ଦେଶୀ ଡ଼ଙ୍ଗା ଭାରସାମ୍ୟ ହରାଇ ବୁଡିଯିବା ଫଳରେ ୪ ଜଣ ନିଖୋଜ ଥିବା ବେଳେ ଆଜି ସକାଳେ ଜଣକର ମୃତଦେହ ଉଦ୍ଧାର କରାଯାଇଛି । ଏବେ ସୁଦ୍ଧା ଅନ୍ୟ ୩ ଜଣ ନିଖୋଜ ଅଛନ୍ତି । ଗ୍ରାମବାସୀ ଓ ପ୍ରଶାସନ ପକ୍ଷରୁ ତଲାସୀ ଅଭିଯାନ ଜାରୀ ରହିଛି ।
ଚିତ୍ରକୋଣ୍ଡା ପଚାଂୟତ ସମିତି ଅନ୍ତର୍ଗତ ବିଚ୍ଛିନ୍ନାଚଂଳ ଯନ୍ତ୍ରୀ ଗ୍ରାମପଚାଂୟତ ତୋଟାଗୁଡ଼ା ଗ୍ରାମର ଗୋଟିଏ ପରିବାରର ୪ ଜଣ ସନାଦେଇ ଗଲରି (୨୫), ସ୍ୱାମୀ ମଙ୍ଗଳା ଗଲରି (୩୦) ଏବଂ ତାଙ୍କର ଦୁଇ ଝିଅ ଝିଅ ଦୀପାଳି (୮ ମାସ), ସାନାତା ଶିଶା (୧୨) ଗତକାଲି ନାକାମାମୁଡି ଗ୍ରାମକୁ କୁଣିଆ ଭାବରେ ଯାଇ ପରବରେ ଭୋଜି ଖାଇ ସଂନ୍ଧ୍ୟାରେ ଫେରୁଥିଲେ । ଏହି ସମୟରେ ଚିତ୍ରକୋଣ୍ଡା ଜଳଭଣ୍ଡାରର ଆମ୍ବୁଲିବେଢ଼ା ନିକଟରେ ଦେଶୀ ଡ଼ଙ୍ଗାଟି ଭାରସାମ୍ୟ ହରାଇ ବୁଡିଯିବା ଫଳରେ ସମ୍ପୃକ୍ତ ୪ ଜଣ ନିଖୋଜ ଥିଲେ । ସ୍ଥାନୀୟ ଲୋକେ ଆଜି ଘଟଣାସ୍ଥଳ ଠାରୁ କିଛି ଦୂରରୁ ସନାଦେଇଙ୍କ ମୃତଦେହ ଉଦ୍ଧାର କରିଛନ୍ତି । ଅନ୍ୟ ୩ ଜଣ ଏବେ ସୁଦ୍ଧା ନିଖୋଜ ଅଛନ୍ତି । ସେମାନଙ୍କୁ ଉଦ୍ଧାର ପାଇଁ ପ୍ରଶାସନ ପକ୍ଷରୁ ତଲାସୀ ଅଭିଯାନ ଜାରୀ ରହିଛି ।
