ଭୁବନେଶ୍ୱର,ଆଇଡିସିଏ ୧୯ବର୍ଷରୁ କମ୍ ଶ୍ରବଣବାଧିତ ଜାତୀୟ କ୍ରିକେଟ ଟୁର୍ଣ୍ଣାମେଣ୍ଟରେ ଓଡିଶା ଦଳ ଚାମ୍ପିୟନ । ବିଭିନ୍ନ ପ୍ରତିକୂଳତା ଏବଂ ଆହ୍ୱାନ ସତ୍ତ୍ୱେ ଭିନ୍ନକ୍ଷମ ଖେଳାଳୀମାନେ ଉଲ୍ଲେଖନୀୟ କ୍ରୀଡ଼ାନୈପୁଣ୍ୟ ପ୍ରଦର୍ଶନ କରି ଏହି ଚାମ୍ପିୟନ କପ୍ ହାସଲ କରିଥିବାରୁ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗର ନିର୍ଦ୍ଦେଶିକା ଶ୍ରୀମତୀ ନିୟତି ପଟ୍ଟନାୟକ ଖୋଳାଳୀମାନଙ୍କୁ ଶୁଭେଚ୍ଛା ଜଣାଇବା ସହ ସମ୍ବର୍ଦ୍ଧିତ କରିଥିଲେ । ଏହା ଅତ୍ୟନ୍ତ ଗୌରବର ବିଷୟ ଯେ, ଆନ୍ତର୍ଜାତୀୟ ଦଳକୁ ପ୍ରତିନିଧିତ୍ୱ କରୁଥିବା ଓଡିଆ ଖେଳାଳିମାନେ ହେଉଛନ୍ତି ଶ୍ରୀ ସାଗରକାନ୍ତ ସେନାପତି (ଟିମ୍ ମ୍ୟାନେଜର) ଏବଂ ଶ୍ରୀ ସାନ୍ତୋଷ କୁମାର ମହାପାତ୍ର (ଅଲ୍ ରାଉଣ୍ଡର) ଯିଏ ଶ୍ରୀଲଙ୍କା ବିପକ୍ଷରେହାରାହାରି ୫ ଟି ମ୍ୟାଚରେ ୩୨୫ ରନ୍ ସ୍କୋର କରିଥିଲେ ଏବଂ ସିରିଜର ଶ୍ରେଷ୍ଠ ବ୍ୟାଟ୍ସମ୍ୟାନ୍ ଭାବରେ ଘୋଷିତ ହୋଇଥିଲେ । ସେମାନଙ୍କୁ ଓଡିଶାର ବିଭିନ୍ନ ପ୍ରାନ୍ତରୁ ଶୁଭେଚ୍ଛାର ସୁଅ ଛୁଟୁଛି ।
