ପିଲିଭୀତ– ଉତର ପ୍ରଦେଶର ପିଲିଭୀତ ଜିଲ୍ଲାରେ ଆଜି ସକାଳେ ପୋଲିସ ସହ ଗୁଳି ବିନିମୟରେ ଖଲିସ୍ତାନ ସମର୍ଥକ ତିନି ଆତଙ୍କବାଦୀ ନିହତ ହୋଇଛନ୍ତି । ପଂଜାବ ଓ ଉତର ପ୍ରଦେଶ ପୋଲିସ ଟିମକୁ ଏହି ସଫଳତା ମିଳିତ କାର୍ଯ୍ୟାନୁଷ୍ଠାନରେ ମିଳିଛି । ଗୁଳି ବିନିମୟ ସମୟରେ ଦୁଇ ପୋଲିସ କର୍ମଚାରୀ ବି ଆହତ ହୋଇଛନ୍ତି ।
ପୋଲିସ ସୂଚନା ଅନୁସାରେ ତିନି ଆତଙ୍କବାଦୀ ପିଲିଭୀତ ଜିଲ୍ଲାର ପୁରନପୁର ଅଂଚଳରେ ଲୁଚି ରହିଥିଲେ । ଏମାନଙ୍କ ନାମ ଗୁରବିନ୍ଦର ସିଂହ, ବୀରେନ୍ଦ୍ର ସିଂହ ଓରଫ ରବି, ଜସନିପ୍ରୀତ ସିଂହ ଓରଫ ପ୍ରତାପ ସିଂହ । ଏମାନଙ୍କ ବୟସ 18ରୁ 25 ମଧ୍ୟରେ । ତିନିଜଣ ପଂଜାବର ବାସିନ୍ଦା ।
ଅନ୍ୟପଟେ ଆହତ ଦୁଇ ପୋଲିସକୁ ହସ୍ପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ନିକଟରୁ ଏକେ-47 ଜବତ କରାଯାଇଛି ।
