ଭୁବନେଶ୍ୱର– ବିଜେଡିର ପ୍ରତିଷ୍ଠା ଦିବସ ରାଜ୍ୟ ସଦର ମହକୁମା ଠୁ ନେଇ ପ୍ରତି ନିର୍ବାଚନ ମଣ୍ଡଳୀରେ ପାଳନ କରାଯିବ । ରାଜ୍ୟ ପାଇଁ ଓ ରାଜ୍ୟର ସ୍ୱାର୍ଥ ପାଇଁ ଲଢ଼ିବା ଆମର ସଂକଳ୍ପ ରହିବ । ଦଳ ସଂଗଠିତ ଅଛି କିନ୍ତୁ ଦଳକୁ ଶକ୍ତିଶାଳୀ କରିବା ନିହାତି ଜରୁରୀ ବୋଲି କହିଛନ୍ତି ବିଜେଡି ବିଧାୟକ ଗଣେଶ୍ୱର ବେହେରା । ବିରୋଧୀ ଦଳରେ ରହିଲେ ମନବୋଳ ଭାଙ୍ଗିଯାଏ ତେଣୁ ମନବୋଳ ଦୃଢ଼ କରି ଲଢେଇ କରିବାର ସଂକଳ୍ପ ନେବା ଜରୁରୀ । ଗଣତନ୍ତ୍ର ମତ ପାର୍ଥକ୍ୟ ରହିବ କିନ୍ତୁ ବିଜେଡିରେ ସେମିତି ଗୋଷ୍ଠୀ ବିବାଦ ଥିବା ମୁଁ ଅନୁଭବ କରୁନାହିଁ । କାହାର କାହାର ଭିନ୍ନ ମତ ଥାଇପାରେ । ଗୋଟିଏ ମତକୁ ସମସ୍ତେ ମାନି ନେବେ ସେମିତି କିଛି ମାନେ ନାହିଁ କିନ୍ତୁ ଗୋଟିଏ ନେତୃତ୍ୱକୁ ମାନି ନେଉଛନ୍ତି । ତେଣୁ ସମସ୍ତେ ଏକାଠି ଭାବେ ଏହି ପ୍ରତିଷ୍ଠା ଦିବସ ପାଳନ କରିବୁ । ନେତା ମାନେ ଦଳ ଛାଡ଼ି ଚାଲିଯିବା ଆମ ସମସ୍ତଙ୍କ ପାଇଁ ନିଶ୍ଚିତ ଭାବେ ଚିନ୍ତାର କାରଣ । ସେ ବିଷୟରେ ମଧ୍ୟ ପ୍ରତିଷ୍ଠା ଦିବସ ଅବସରରେ ମାନସ ମନ୍ଥନ କରାଯିବ । ଯାହା ଫଳରେ ସେ ଘଟଣାର ପୁନାରୁବୃତ୍ତି ହେବ ନାହିଁ ବୋଲି ଗଶେଶ୍ୱର ବେହେରା କହିଛନ୍ତି।
