ଭାବନଗର/ଅହମଦାବାଦ– ଗୁଜରାଟର ସୋମନାଥ ଜାତୀୟ ରାଜପଥର ଭାବନଗର ଜିଲ୍ଲାର ତ୍ରାପଜ ନିକଟରେ ଆଜି ସକାଳେ ସଡକ ଦୁର୍ଘଟଣାରେ 6ଜଣଙ୍କ ମୃତ୍ୟୁ ହୋଇଥିବା ବେଳେ 20ରୁ ଅଧିକ ଆହତ ହୋଇଛନ୍ତି । ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ତ୍ରାପଜ ନିକଟ ହାଇୱେରେ ଏକ ଡମ୍ପରରେ ତ୍ରୁଟି ଦେଖଦେଇଥିଲା । ଏଥିପାଇଁ ଡ୍ରାଇଭର ତାକୁ ରାସ୍ତାକଡରେ ଠିଆ କରିଥିଲେ । ଏହାରି ଭିତରେ ସୁରଟରୁ ରାଜୁଲା ଯାଉଥିବା ଆପ୍ପଲ ଟ୍ରାଭେଲ୍ସର ଏକ ଘରୋଇ ବସ ଡମ୍ପର ପଛରେ ଧକ୍କା ହୋଇଥିଲା । ପ୍ରତ୍ୟେକ୍ଷଦର୍ଶୀ ପୋଲିସ ଓ 108 ଆମ୍ବୁଲାନ୍ସକୁ ସୂଚନା ଦେଇଥିଲେ । ସୂଚନା ମିଳିବା ପରେ ପୋଲିସ ଓ ଆମ୍ବୁଲାନ୍ସ ଘଟଣାସ୍ଥଳରେ ପହଂଚିଥିଲେ । ଦୁର୍ଘଟଣା ଏତେ ଭୟାବହ ଥିଲା ଯେ, ଘରୋଇ ବସର ଅଧା ଭାଗ ମୋଡିହୋଇଯାଇଛି ।
