ଭୁବନେଶ୍ୱର– ତବଲା ବାଦକ ଜାକିର ହୁସୈନଙ୍କ ବିୟୋଗରେ ରାଜ୍ୟପାଳ ରଘୁବର ଦାସ ଶୋକପ୍ରକାଶ କରିଛନ୍ତି । ରାଜ୍ୟପାଳ କହିଛନ୍ତି ଯେ, ପ୍ରଖ୍ୟାତ ତବଲା ବାଦକ, ସଙ୍ଗୀତ ନାଟକ ଏକାଡେମୀ, ପଦ୍ମ ବିଭୂଷଣ ପୁରସ୍କାରରେ ସମ୍ମାନିତ ଉସ୍ତାନ ଶ୍ରୀ ଜାକିର ହୁସୈନଙ୍କ ବିୟୋଗର ଦୁଃଖଦ ଖବର ମିଳିଲା । ଏହା କଳା ଓ ସଙ୍ଗୀତ ଜଗତ ପାଇଁ ଏକ ଅପୂରଣୀୟ କ୍ଷତି ଅଟେ । ଈଶ୍ୱର ଦିବଂଗତ ଆତ୍ମାକୁ ତାଙ୍କ ନିଜ ଧାମରେ ସ୍ଥାନ ଓ ଶୋକାକୂଳ ପରିଜନ ଓ ପ୍ରଶଂସକଙ୍କୁ ଏହି ଦୁଃଖ ସହିବାର ଶକ୍ତି ପ୍ରଦାନ କରନ୍ତୁ । ଓମ୍ ଶାନ୍ତି ।
