ଗଞ୍ଜାମ – ପିତଳ ଚନ୍ଦ୍ରିକା ବିଦ୍ୟାମନ୍ଦିରରେ ନେତାଜୀ ସୁବାଷ ଚନ୍ଦ୍ର ବୋଷ ଏବଂ ବୀର ସୁରେନ୍ଦ୍ର ସାଏଙ୍କ ଜୟନ୍ତୀ ଉତ୍ସବ ପ୍ରତିଷ୍ଠାତା ଶ୍ରୀ ବିଚିତ୍ରାନନ୍ଦ ମୁନୀଙ୍କା ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଡାକ୍ତର ହୃଷୀକେଶ ମହାନ୍ତି ପ୍ରଦୀପ ପ୍ରଜ୍ଜ୍ୱଳନା କରି ନେତାଜୀ ଏବଂ ବୀର ସୁରେନ୍ଦ୍ର ସାଏଙ୍କୁ ଭକ୍ତିପୂତ ଶ୍ରଦ୍ଧା ନିବେଦନ କରି ଉଦବୋଧନ ଦେଇଥିଲେ । ଅନ୍ୟମାନଙ୍କ ମଧ୍ୟରେ ପ୍ରଧାନାଚାର୍ଯ୍ୟ ନିରଞ୍ଜନ ଜେନା, ପୂର୍ବତନ ପ୍ରଧାନ ଶିକ୍ଷକ ସୁରେନ୍ଦ୍ର ନାଥ ଚୌଧୁରୀ, ମୁଖ୍ୟବକ୍ତା ରୂପେ ଅବସରପ୍ରାପ୍ତ ପ୍ରଧାନ ଶିକ୍ଷକ ପଂଚାନନ ସ୍ୱାଇଁ ପ୍ରମୁଖ ମଧ୍ୟ ନେତାଜୀ ଏବଂ ବୀର ସୁରେନ୍ଦ୍ର ସାଏ ସ୍ମୃତିଚାରଣ ବକ୍ତବ୍ୟ ପ୍ରଦାନ କରିଥବଲେ । କାର୍ଯ୍ୟକ୍ରମ ହରିହର ସ୍ୱାଇଁ ପରିଚାଳନା କରି ସ୍ୱାଗତ ଭାଷଣ ଅତିଥି ପରିଚୟ ଦେଇ ପରିଶେଷରେ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ଜୟନ୍ତୀ ଉତ୍ସବରେ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଗୁରୁଜୀ ଓ ଗୁରୁମା’ଙ୍କ ସମେତ ବହୁ ସ୍ଥାନୀୟ ଭଦ୍ରବ୍ୟକ୍ତି ଉପସ୍ଥିତି ଥିଲେ ।
