ଭୁବନେଶ୍ୱର- ଭୁବନେଶ୍ୱର ଲାୟନ୍ସ କ୍ଲବ ତରଫରୁ ସ୍ଥାନୀୟ ୟୁନିଟ୍-୮ ଡ଼ିଏଭି ପବ୍ଲିକ ସ୍କୁଲ୍ ପରିସରରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁÂିତ ହୋଇଯାଇଛି । ନେତାଜୀ ସୁଭାଷ ଚନ୍ଦ୍ର ବୋଷ ଓ ବୀର ସୁରେନ୍ଦ୍ର ସାଏଙ୍କ ଜନ୍ମଦିନ ଅବସରରେ ଏହି ରକ୍ତଦାନ ଶିବିର ଅନୁÂିତ ହୋଇଥିଲା । ଏହି ରକ୍ତଦାନ ଶିବିରରେ ମୋଟ୍ ୧୦୪ ୟୁନିଟ୍ ରକ୍ତ ବିଏମ୍ସି ରକ୍ତ ଭଣ୍ଡାର ଦ୍ୱାରା ସଂଗୃହିତ ହୋଇଥିଲା । ସ୍କୁଲ୍ର ଅଧ୍ୟକ୍ଷା ଶ୍ରୀମତୀ ଇପ୍ସିତା ଦାସ ଏହି ଶିବିରକୁ ଶୁଭାରମ୍ଭ କରିଥିଲେ । ସ୍କୁଲ୍ରେ ପଢୁଥିବା ଛାତ୍ରଛାତ୍ରୀମାନଙ୍କର ଅଭିଭାବକ, ସ୍କୁଲ୍ର ଶିକ୍ଷକ, ଶିକ୍ଷୟିତ୍ରୀ ଏବଂ କର୍ମଚାରୀମାନେ ରକ୍ତଦାନ କରିଥିଲେ । ଲାୟନ୍ସ କ୍ଲବ ଭୁବନେଶ୍ୱର, ଓଡ଼ିଶାର ସଭାପତି ଲାୟନ ରାମପ୍ରସାଦ ପାତ୍ର, ଯୁଗ୍ମ ସମ୍ପାଦକ ଲାୟନ ଇଂ ଅଶ୍ୱିନୀ ସେନାପତି, ପ୍ରାକ୍ତନ ସଭାପତି ଲାୟନ ଇଂ ଏନ୍.ବି. ଚୌଧୁରୀ, ଲାୟନ ସଞ୍ଜୟ କୁମାର ଏବଂ ବହୁ ସଦସ୍ୟ ଯୋଗଦାନ କରି ରକ୍ତଦାତାମାନଙ୍କୁ ଉତ୍ସାହିତ କରିଥିଲେ ।
