ନୂଆଦିଲ୍ଲୀ– ୟୁରୋପିୟ ମହାକାଶ ଏଜେନ୍ସିର ପ୍ରୋବା-3 ମିଶନ କାଲି ସନ୍ଧ୍ୟାରେ ପ୍ରାୟ 4ଟା ବେଳେ ଶ୍ରୀହରିକୋଟା ମହାକାଶ କେନ୍ଦ୍ରରୁ ଲଂଚ କରାଯିବ । ଭାରତୀୟ ମହାକାଶ ଗବେଷଣା ସଙ୍ଗଠନ ଆଜି ସକାଳେ ଏକ୍ସ ପୋଷ୍ଟରେ ଏହି ସୂଚନା ଦେଇଛି । ଇସ୍ରୋ କହିଛି ଯେ, ପିଏସଏଲଭି-ସି 59/ପ୍ରୋବା-3 ମିଶନ ପାଇଁ ଆମ ସହିତ ଲାଇଭ ଯୋଡି ହୁଅନ୍ତୁ । ଏନଏସଆଇଏଲ ନେତୃତ୍ୱରେ ଏବଂ ଇସ୍ରୋ ଦ୍ୱାରେ ନିଷ୍ପାଦିତ ଏହି ମିଶନ ଇଏସଏର ପ୍ରୋବା-3 ଉପଗ୍ରହକୁ ଏକ ଭିନ୍ନ କକ୍ଷରେ ପ୍ରକ୍ଷେପଣ କରିବ, ଯାହା ବୈଶ୍ୱିକ ମହାକାଶ ଅନ୍ୱେଷଣରେ ଭାରତର ବଢୁଥିବା ଯୋଗଦାନକୁ ଦର୍ଶାଉଛି ।
