ଉଦୟପୁର -ସୁଖେର ଥାନା ଅଞ୍ଚଳର ଅମ୍ବେରୀରେ ଡମ୍ପର ଏକ କାରକୁ ଧକ୍କା ଦେଇଥିଲା।ଦୁର୍ଘଟଣାରେ କାରରେ ବସିଥିବା ସମସ୍ତ ପାଞ୍ଚଜଣ ଯୁବକଙ୍କ ମୃତ୍ୟୁ ଘଟିଛି।ପୋଲିସ ଡମ୍ପରକୁ ଜବତ କରିଛି।ଥାନାଧିକାରୀ ହିମାଂଶୁ ସିଂହ ରାଜାୱତ କହିଛନ୍ତି ଯେ କାରରେ ଦେଲୱାଡା ରାଜସମନ୍ଦ ବାସିନ୍ଦା ହିମ୍ମତ ଖଟୀକ(32),ଉଦୟପୁରର ବେଦଲା ବାସିନ୍ଦା ପଙ୍କଜ ନଗାରଚୀ(24),ଖାରୋଲ କଲୋନୀ ବାସିନ୍ଦା ଗୋପାଳ ନଗାରଚୀ(27),ସୀସାରମା ବାସିନ୍ଦା ଗୌରବ ଜୀନଗର(23)ର ଅନ୍ୟ ଜଣେ ବ୍ୟକ୍ତି ଥିଲେ।ଏହା ଅମ୍ବେରୀରୁ ଭୁଲ ପାର୍ଶ୍ୱରେ ଦେବାରୀ ଅଭିମୁଖେ ଯାଉଥିଲା।ସେହି ସମୟରେ ହଠାତ୍ ସାମ୍ନାରୁ ଡମ୍ପର ଆସିଗଲା।ଗଢାଣି ଯୋଗୁଁ ଡମ୍ପର ଦୃତ ଗତିରେ ଥିଲା।ଡମ୍ପରର ଡ୍ରାଇଭର କାରକୁ ବଞ୍ଚାଇବାକୁ ଚେଷ୍ଟା କରିଥିଲେ କିନ୍ତୁ ଜାଗା ପାଇପାରିନଥିଲେ ଯେଉଁ କାରଣରୁ ଡମ୍ପର କାର ସହ ଧକ୍କା ହୋଇଥିଲା।ମୁହାଁମୁହିଁ ଧକ୍କାରେ କାରର ଆଗଭାଗ ସମ୍ପୁର୍ଣ୍ଣ ଭାଙ୍ଗି ଯାଇଥିଲା।ଏଥିରେ ଯାତ୍ରା କରୁଥିବା ସମସ୍ତ ଯୁବକ ଘଟଣାସ୍ଥଳରେ ମୃତ୍ୟୁବରଣ କରିଥିଲେ।ସୁଖେର ଥାନାର ଟିମ କାରରୁ ମୃତଦେହ ବାହାର କରିଥିଲେ।ପୋଲିସର କହିବା କଥା ଯେ ପରବାର ସଦସ୍ୟଙ୍କୁ ଘଟଣାର ସୁଚନା ଦିଆଯାଇଛି।ସମସ୍ତ ମୃତଦେହକୁ ପୋଷ୍ଟମଟମ ପାଇଁ ଡାକ୍ତରଖାନା ପଠାଯାଇଛି।
