ସୁକମା– ଛତିଶଗଡର ସୁକୁମା ଜିଲ୍ଲାରେ ପୋଲିସ ଏନକାଉଣ୍ଟରରେ 10 ନକ୍ସଲ ନିହତ ହୋଇଛନ୍ତି । ମୃତ ନକ୍ସଲଙ୍କ ଅଟୋମେଟିକ ଏସଏଲଆର, ଏକେ-47 ସହିତ ଅନ୍ୟ ଅସ୍ତ୍ରଶସ୍ତ୍ର ଘଟଣାସ୍ଥଳରୁ ଜବତ କରାଯାଇଛି ।
ସୁକୁମା ଜିଲ୍ଲାର ଭେଜି ଥାନା ଅଂଚଳରେ ନକ୍ସଲଙ୍କ ଉପସ୍ଥିତି ସୂଚନା ପାଇବା ପରେ ସୁରକ୍ଷାବଳଙ୍କ ଟିମ କୋରଜୁଗୁଡା, ଦନ୍ତେଶପୁରମ, ନାଗାରାମ ଭଣ୍ଡାରାପଦର ଅଭିମୁଖେ ଗସ୍ତ କରିଥିଲେ । ଏହି ସମୟରେ କୋରଜୁଗୁଡା ଓ ଭଣ୍ଡାରାପଦର ଜଙ୍ଗଲରେ ଡିଆରଜି ଯବାନ ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ହୋଇଥିଲେ । ଉଭୟ ପକ୍ଷରୁ ଭୀଷଣ ଗୁଳିକାଣ୍ଡ ପରେ ସୁରକ୍ଷାବଳର ଯବାନ 10ଜଣ ନକ୍ସଲଙ୍କୁ ମାରିଥିଲେ । ଘଟଣାସ୍ଥଳରେ ବିପୁଳ ପରିମାଣର ଅସ୍ତ୍ରଶସ୍ତ୍ର ଓ ବିସ୍ଫୋରକ ସାମଗ୍ରୀ ଜବତ କରାଯାଇଛି । ଘଟଣାସ୍ଥଳରେ ଏବେ ବି ସର୍ଚ୍ଚ ଅପରେସନ ଜାରି ରହିଛି ।
