ନାଗପୁରରେ ଭୋଟ ଦେଲେ ସଂଘ ପ୍ରମୁଖ ମୋହନ ଭାଗବତ

ନାଗପୁର– ମହାରାଷ୍ଟ୍ରରେ ଆଜି ଗଣତନ୍ତ୍ରର ସବୁଠୁ ବଡ ଉତ୍ସବ ପାଳନ ହେଉଛି । ରାଜ୍ୟର ସମସ୍ତ ବିଧାନସଭା କ୍ଷେତ୍ରରେ ନିର୍ବାଚନ ହେଉଛି । ରାଷ୍ଟ୍ରୀୟ ସ୍ୱୟଂସେବକ ସଂଘର ସର ସଂଘଚାଳକ ଡ.ମୋହନ ଭାଗବତ ଆଜି ସକାଳ 7ଟା ବେଳେ ନାଗପୁରର ମହଲ ସ୍ଥିତ ଭାଓଜି ଦଫ୍ତରୀ ସ୍କୁଲର ବୁଥରେ ମତଦାନ କରିଛନ୍ତି । ମହାରାଷ୍ଟ୍ର ବିଧାନସଭାର ସମସ୍ତ 288 ବିଧାନସଭା ସିଟରେ ଆଜି ଗୋଟିଏ ପର୍ଯ୍ୟାୟରେ ମତଦାନ ହେଉଛି । ସଚିନ ତେନ୍ଦୁଲକର ବି ପରିବାର ସହିତ ମୁମ୍ବାଇର ପୋଲିଂ ଷ୍ଟେସନରେ ଭୋଟ ଦେଇଛନ୍ତି । ସେ ଲୋକଙ୍କୁ ଅପିଲ କରିଛନ୍ତି ଯେ, ସେ ଘରୁ ବାହାରକୁ ଆସନ୍ତୁ ଏବଂ ଭୋଟ ଦେଇ ନିଜ ଦାୟିତ୍ୱ ନିଭାନ୍ତୁ । ଅଭିନେତା ଅକ୍ଷୟ କୁମାର ଓ ରାଜକୁମାର ରାଓ ବି ମତଦାନ କରିଛନ୍ତି ।