ଚଣ୍ଡିଗଡ– ବିଏସଏଫ ଭାରତ-ପାକିସ୍ତାନ ସୀମାରୁ ଅମୃତସର ଓ ତରନତାରନରେ ସର୍ଚ୍ଚ ଅପରେସନ ବେଳେ ପାଂଚଟି ପାକିସ୍ତାନୀ ଡ୍ରୋନ ଓ ଏକ କିଲୋ ହେରୋଇନ ଜବତ କରିଛି । ବିଏସଏଫ ଏହି ଅପରେସନ ପଂଜାବ ପୋଲିସ ସହ ମିଳିତ ଭାବେ ଚଳାଇଥିଲେ । ଏହି ସମୟରେ କିଛି ସନ୍ଦିଗ୍ଧଙ୍କୁ ପଚରାଉଚରା କରାଯାଇଥିଲା । ଡ୍ରୋନ ସହାୟତାରେ ଭାରତୀୟ ସୀମାରେ ନିଶା ପଦାର୍ଥ ପଠାଯାଉଛି । ବିଏସଏଫ ଅନୁସାରେ କୁହୁଡି କାରଣରୁ ସୀମା ପାରରୁ ତସ୍କରୀ ଓ ଡ୍ରୋନ ଅନୁପ୍ରବେଶ ଘଟଣା ବଢିବାର ଆଶଙ୍କା ରହିଥିବାରୁ ସୀମାନ୍ତରେ ଅଭିଯାନକୁ ଜୋରଦାର କରାଯାଇଛି । ବିଏସଏଫ ଓ ପଂଜାବ ପୋଲିସର ମିଳିତ ଟିମ୍ ଗତକାଲି ରାତିରେ ଅମୃତସର ଓ ତରନତାରନ ଅଂଚଳରୁ ଯାଂଚ ସମୟରେ 5ଟି ଡ୍ରୋନ ଧରିଛନ୍ତି ।
