କାଂକେର– ଛତିଶଗଡର ଉତର ଅବୁଝମାଡରେ କାଂକେର ଓ ନାରାୟଣପୁରର ସୀମାକୁ ଲାଗି ମହାରାଷ୍ଟ୍ରର ସୀମାରେ ସୁରକ୍ଷାବଳ ଶନିବାର 5ଜଣ ନକ୍ସଲକୁ ମାରିଛନ୍ତି । ସୁରକ୍ଷାବଳର ଯବାନମାନେ ସମସ୍ତଙ୍କ ମୃତଦେହ ଜବତ କରିବା ସହ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରିଛନ୍ତି । ଗୁଳି ବିନିମୟରେ ସାମିଲ ଯବାନମାନେ କହିଛନ୍ତି ଯେ, ଏଥିରେ ଅନେକ ନକ୍ସଲ ଆହତ ମଧ୍ୟ ହୋଇଛନ୍ତି । ଗୁଳି ବିନିମୟରେ 2ଜଣ ଯବାନ ଆହତ ହୋଇଛନ୍ତି । ଉଭୟଙ୍କୁ ଚିକିତ୍ସା ପାଇଁ ରାୟପୁରର ନାରାୟଣା ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନାଯୋଗ୍ୟ, ନାରାୟଣପୁର ଓ କାଂକେରକୁ ଲାଗିକରି ଥିବା ଉତର ଅବୁଝମାଡରେ କାଂକେର ଓ ନାରାୟଣପୁର ଜିଲ୍ଲାର ସୀମାକୁ ଲାଗି ମହାରାଷ୍ଟ୍ର ସୀମାରେ ନକ୍ସଲ ଲିଡର ଅଭୟ ସମେତ ବହୁ ସଂଖ୍ୟାରେ ନକ୍ସଲ ଉପସ୍ଥିତି ନେଇ ସୂଚନା ମିଳିଥିଲା । ଏହାପରେ ଡିଆରଜି, ଏସଟିଏଫ, ବିଏସଏଫର ମିଳିତ ଟିମ୍ କୋମ୍ବିଂ ଅପରେସନ ଆରମ୍ଭ କରିଥିଲେ ।
