ଚଣ୍ଡିଗଡ– ପୂରା ବିଶ୍ୱରେ ଶୁକ୍ରବାର ଗୁରୁପର୍ବ ପାଳନ କରାଯାଉଛି । ଗୁରୁ ନାନକ ଦେବଙ୍କ 555ତମ ପ୍ରକାଶ ପର୍ବ ଅବସରରେ ଶୁକ୍ରବାର ସଚଖଣ୍ଡ ହରିମନ୍ଦିର ସାହିବ ଦରବାର ସାହିବରେ ଲକ୍ଷାଧିକ ସଂଖ୍ୟାରେ ଶ୍ରଦ୍ଧାଳୁ ସାମିଲ ହୋଇଛନ୍ତି । ପଂଜାବର ମୁଖ୍ୟମନ୍ତ୍ରୀ ଭଗବନ୍ତ ମାନ, କମେଡିୟାନ କର୍ମଜିତ ଅନମୋଲ ସହିତ ଅମୃତସରର ରଂଜିତ ଏଭିନ୍ୟୁ ସ୍ଥିତ ଗୁରୁଦ୍ୱାରା ସାହିବରେ ମଥା ଟେକିବା ପାଇଁ ପହଂଚିଛନ୍ତି ।
ଶିରୋମଣି ଗୁରୁଦ୍ୱାରା ପ୍ରବନ୍ଧକ କମିଟି ପକ୍ଷରୁ ଆଜି ରାତି ସୁଦ୍ଧା ଦରବାର ସାହିବରେ ତିନିଲକ୍ଷ ଶ୍ରଦ୍ଧାଳୁଙ୍କ ପହଂଚିବାର ଅନୁମାନ କରିଛନ୍ତି । ମୁଖ୍ୟମନ୍ତ୍ରୀ ଭଗବନ୍ତ ମାନ ଗୁରୁ ନାନକ ଦେବଙ୍କ ପ୍ରକାଶ ପର୍ବ ସମସ୍ତଙ୍କୁ ଶୁଭକାମନା ଜଣାଇଛନ୍ତି । ସେ କହିଛନ୍ତି ଯେ, ଆଜି ସେ ଅମୃତସରରେ ଗୁରୁଦ୍ୱାରା ସାହିବରେ ମାଥା ଟେକିଛନ୍ତି । ଦରବାର ସାହିବରେ ସଙ୍ଗତରେ ସମସ୍ୟା ନହେଉ, ଏଥିପାଇଁ ସେ ଗୋଲଡେନ ଟେମ୍ପୁଲ ଯାଇନାହାନ୍ତି ।
