କିସ୍ତୱାଡ– କିସ୍ତୱାଡ ଜିଲ୍ଲାର ଚାସ ଅଂଚଳରେ ରବିବାର ସକାଳେ ଆତଙ୍କବାଦୀ ଓ ସୁରକ୍ଷାବଳ ମଧ୍ୟରେ ଗୁଳି ବିନିମୟ ଆରମ୍ଭ ହୋଇଛି । ଏହାପୂର୍ବରୁ ଆଜି ଶ୍ରୀନଗରର ଜବରଭାନ ଅଂଚଳରେ ଗୁଳି ବିନିମୟ ହୋଇଥିଲା । ଦୁଇଟି ସ୍ଥାନରେ ସୁରକ୍ଷାବଳ ଓ ଆତଙ୍କବାଦୀ ମଧ୍ୟରେ ଗୁଳି ବିନିମୟ ଜାରି ରହିଛି । କିସ୍ତୱାଡା ଗୁଳି ବିନିମୟରେ ପାରା-ସ୍ପେଶାଲ ଫୋର୍ସେସର ତିନି ଯବାନ ଆହତ ହୋଇଛନ୍ତି । ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ଚାସ ଅଂଚଳରେ କିଛି ଆତଙ୍କବାଦୀ ଉପସ୍ଥିତି ସଂପର୍କରେ ସୂଚନା ମିଳିବା ପରେ ପୋଲିସ ଓ ସେନାର ମିଳିତ ଟିମ ଘେରାବନ୍ଦୀ କରି ତଲାସୀ ଅଭିଯାନ ଆରମ୍ଭ କରିଥିଲେ । ଉଭୟଙ୍କ ମଧ୍ୟରେ ଗୁଳି ବିନିମୟ ହୋଇଥିଲା ।
