ଅନନ୍ତନାଗ -ଜାମ୍ମୁକାଶ୍ମୀରର ଅନନ୍ତନାଗ ଜିଲ୍ଲାରେ ଶାଙ୍ଗସ ଲାର୍ନୁ ବନ ଅଞ୍ଚଳରେ ଶନିବାର ସୁରକ୍ଷାବଳ ଏନକାଉଣ୍ଟରରେ ଦୁଇ ଆତଙ୍କବାଦୀ ନିହତ ହୋଇଛନ୍ତି।ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ଯେ ଶାଙ୍ଗସ ଲାର୍ନୁ ଜଙ୍ଗଲ ଅଞ୍ଚଳରେ ଚାଲୁରହିଥିବା ଅପରେସନରେ ବର୍ତ୍ତମାନ ପର୍ଯ୍ୟନ୍ତ ଦୁଇ ଆତଙ୍କବାଦୀ ନିହତ ହୋଇଛନ୍ତି।ବୋଧହୁଏ ଅନ୍ୟ ଜଣେ ଆତଙ୍କବାଦୀ ସୁରକ୍ଷାବାହିନୀଙ୍କ ପରିସରରେ ଫସି ରହିଛନ୍ତି।ଅଞ୍ଚଳରେ କିଛି ଆତଙ୍କବାଦୀଙ୍କ ଉପସ୍ଥିତି ସମ୍ପର୍କରେ ସୁଚନା ପାଇବା ପରେ ପୋଲିସ ଏବଂ ସୁରକ୍ଷାବାହିନୀ ଅପରେସନ ଆରମ୍ଭ କରିଥିଲେ।ଯେତେବେଳେ ସୁରକ୍ଷାବାହିନୀ ସନ୍ଦିଗ୍ଧ ସ୍ଥାନରେ ପହଁଞ୍ଚିଥିଲେ ସେତେବେଳେ ଆତଙ୍କବାଦୀମାନେ ସେମାନଙ୍କ ଉପରକୁ ଗୁଳି ଚଳାଇବା ଆରମ୍ଭ କରିଥିଲେ,ଯାହା ପରେ ଏନକାଉଣ୍ଟର ଆରମ୍ଭ ହୋଇଥିଲା।
