ବଳରାମପୁର -ଉତ୍ତରପ୍ରଦେଶର ବଳରାମପୁର ଜିଲ୍ଲାରେ ପଚପେଡୱାଥାନା ଅଞ୍ଚଳରେ ଶନିବାର ଏକ ସଡକ ଦୁର୍ଘଟଣାରେ ଦୁଇ ନେପାଳୀ ଯୁବକଙ୍କ ମୃତ୍ୟୁ ହୋଇଥିବାବେଳେ ତିନିଜଣ ଆହତ ହୋଇଛନ୍ତି।ଏହି ସମସ୍ତ ଲୋକ ପଞ୍ଜାବର ମୋହାଲୀରୁ ଭେୟା ଦୁଜ ପାଳନ କରିବା ପାଇଁ ନେପାଳ ନିଜ ଘରକୁଯାଉଥିଲେ।ପୋଲିସ ମୃତଦେହକୁ ପୋଷ୍ଟମଟମ ପାଇଁ ପଠାଇ ମାମଲାର ତଦନ୍ତ ଆରମ୍ଭ କରିଛି।ପଚପେଡୱା ଥାନା ଅଞ୍ଚଳ ସ୍ଥିତ ରାମନଗର ଗ୍ରାମ ନିକଟରେ ଜାତୀୟ ରାଜମାର୍ଗ 730 ରେ ଶନିବାର ସକାଳେ ବଢନୀରୁ ଆସୁଥିବା ରୋଡୱେଜ ବସ ଏବଂ କାର ମୁହାଁମୁହିଁ ଧକ୍କା ହୋଇଥିଲା।ଏହି ଧକ୍କା ଏତେ ଭୟଙ୍କର ଥିଲା ଯେ କାରଟି ଖଣ୍ଡ ଖଣ୍ଡ ହୋଇଯାଇଥିଲା।ରୋଡୱେଜ ବସ ରାସ୍ତାରୁ ତଳକୁ ଖାଲରେ ଖସିପଡିଥିଲା।ଏହି କାରଣରୁ ବସ ଯାତ୍ରୀ ଏବଂ କାର ଯାତ୍ରୀ ମାନେ ଚିତ୍କାର କରିବାକୁ ଲାଗିଥିଲେ।ତେବେ ବସରେ ଯାତ୍ରା କରୁଥିବା ଲୋକ ଆହତ ହୋଇନାହାନ୍ତି।ନିକଟସ୍ଥ ଲୋକମାନେ ଦୁର୍ଘଟଣାର ସୁଚନା ପୋଲିସକୁ ଦେଇଥିଲେ।ଏହା ପରେ ପୋଲିସ ଘଟଣାସ୍ଥଳରେ ପହଁଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ।ସମସ୍ତଙ୍କୁ ଚିକିତ୍ସା ପାଇଁ ହସ୍ପିଟାଲକୁ ପଠାଇଥିଲେ।
