ଭୁବନେଶ୍ୱର : ବାର୍ଷିକ ଟେରାକୋଟା ପ୍ରଦର୍ଶନୀ ମୃତ୍ତିକା-୨୦୨୪ ଗତ ୩୦ ତାରିଖରେ ଉଦଯାପିତ ହୋଇଯାଇଅଛି । ସାଧାରଣ ଲୋକଙ୍କର ମୃତ୍ତିକା ହସ୍ତଶିଳ୍ପ ପ୍ରତି ଥିବା ଆଗ୍ରହକୁ ପ୍ରତିବନ୍ଧକ ସାଜିଥିବା ବାତ୍ୟା “ଦାନା” ମଧ୍ୟ ହାରମାନିଲା । ଏହି ମେଳାକୁ ପ୍ରାୟ ୫ ଲକ୍ଷ ହସ୍ତଶିଳ୍ପ ପ୍ରେମୀ ପରିଦର୍ଶନ କରିଥିଲେ । କାରିଗରଙ୍କ ହାତର ସ୍ପର୍ଶରେ ଜୀବନ୍ନ୍ୟାସ ପାଇଥିବା ମାଟି ସାମଗ୍ରୀ ଗୁଡିକ ଯଥା ବିଭିନ୍ନ ପ୍ରକାର ମୂର୍ତ୍ତି, ଘର ସାଜସଜ୍ଜା ଉପକରଣ, ରୋଷେଇ ସାମଗ୍ରୀକୁ ଆଦରରେ କିଣି ନେଇଥିଲେ ମୃତ୍ତିକାପ୍ରେମୀ । ସବୁଠାରୁ ଆକର୍ଷଣୀୟ ଥିଲା ଟେରାକୋଟାର ବିଭିନ୍ନ ରଙ୍ଗବେରଙ୍ଗର ଦୀପ । ଚଳିତ ବର୍ଷ ଏହି ପ୍ରଦର୍ଶନୀରେ ମୋଟ ୨୭ଟି ଜିଲ୍ଲାରୁ ୨୬୧ ଜଣ ଟେରାକୋଟା କାରିଗର ଅଂଶ ଗ୍ରହଣ କରି ସେମାନଙ୍କର ହାତ ତିଆରି ସାମଗ୍ରୀକୁ ବିକ୍ରିବଟା କରିଥିଲେ । ଏହି ପ୍ରଦର୍ଶନୀରେ ମୋଟ ୩ କୋଟି ଟଙ୍କାର ବ୍ୟବସାୟ ହୋଇଥିଲା । ପ୍ରତ୍ୟେକ ଦିନ ପରିବେଷିତ ହୋଇଥିବା ସାଂସ୍କୃତିକ କାର୍ଯ୍ୟକ୍ରମ ଦର୍ଶକଙ୍କ ଦ୍ଵାରା ବେଶ ଆଦୃତ ହୋଇଥିଲା ।
