ଭୁବନେଶ୍ୱର– ବାଚସ୍ପତି ଡ. ସୂର୍ଯ୍ୟ ନାରାୟଣ ପାତ୍ର ଆସନ୍ତାକାଲି (ବୁଧବାର) ସୁରଟ ଯାତ୍ରା କରିବେ । ସେଠାରେ ଓଡ଼ିଶା ମହୋତ୍ସବ କମିଟି, ସୁରଟ ଆନୁକୂଲ୍ୟରେ ଆୟୋଜିତ “ଓଡ଼ିଶା ମହୋତ୍ସବ’ କୁ ବାଚସ୍ପତି ଉଦଘାଟନ କରିବାର କାର୍ଯ୍ୟକ୍ରମ ରହିଛି । ସୁରଟର ଆମ୍ରୋଲିସ୍ଥିତ ରାଜୱାଡ଼ି ପାର୍ଟି ପ୍ଲଟ୍ଠାରେ ଆୟୋଜିତ ଏହି ମହୋତ୍ସବରେ ବିପୁଳ ଜନସମାଗମ ହେବ । ଗଞ୍ଜାମ ଜିଲ୍ଲାର ଅନେକ ବିଧାୟକ ବିଧାୟିକା ଏହି କାର୍ଯ୍ୟକ୍ରମରେ ଯୋଗଦେବେ । ୨୩ ତାରିଖ ଦିନ ବାଚସ୍ପତି ଡ. ପାତ୍ର ଭୁବନେଶ୍ୱର ଫେରିବେ ।
ସୂଚନାଯୋଗ୍ୟ ଯେ ସୁରଟରେ ୭ ଲକ୍ଷରୁ ଊଦ୍ଧ୍ୱର୍ ଓଡ଼ିଆ ବସବାସ କରୁଛନ୍ତି । ଓଡ଼ିଶାର ସଂସ୍କୃତି, ପରମ୍ପରା, ଐତିହ୍ୟ ଓ ନୃତ୍ୟ ଆଦିର ପ୍ରଦର୍ଶନ ପାଇଁ ଏହି ମହୋତ୍ସବ ଏକ ପ୍ରକୃଷ୍ଟ ମଂଚ ସାବ୍ୟସ୍ତ ହେବ ।
