ଭୁବନେଶ୍ୱର– ଲିଙ୍ଗରାଜ ମନ୍ଦିର ଭିତରୁ ଭିଡିଓ ଭାଇରାଲ। ମନ୍ଦିର ସୁରକ୍ଷା ଦିଗରେ ଉଠିଲା ପ୍ରଶ୍ନ। ଗତକାଲି ବଲିଉଡ ସେଲିବ୍ରିଟି ଶିଳ୍ପା ସେଠି ମନ୍ଦିର ଦର୍ଶନ କରିବାକୁ ଆସିଥିବା ବେଳେ ମନ୍ଦିର ସୁପରଭାଇଜର ରାଜ କିଶୋର ମହାପାତ୍ର ନିଜେ ମନ୍ଦିର ଭିତରେ ବୁଲି ବୁଲି ଶିଳ୍ପା ସେଠିଙ୍କୁ ମନ୍ଦିର ଭିତରେ ବୁଲାଇଛନ୍ତି। ଯାହା ବର୍ତ୍ତମାନ ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମରେ ଘୁରି ବୁଲୁଛି। ଏହି ପ୍ରସଙ୍ଗ ଉପରେ ଏକାମ୍ର ବିଧାୟକ ବାବୁ ସିଂ କହିଛନ୍ତି ଏହି ଖବରଟି ମୁଁ ସକାଳୁ ପାଇଛି। ଲିଙ୍ଗରାଜ ମନ୍ଦିରରେ ବଲିଉଡ୍ ଅଭିନେତ୍ରୀଙ୍କ ଫଟୋ ଭାଇରାଲ ଘଟଣା ଦୁର୍ଭାଗ୍ୟ ଜନକ ଅଟେ । ଏମିତି ଘଟଣା ହେବା କଥା ନୁହେଁ । ବିଗତ ଦିନରେ ରାଷ୍ଟ୍ରପତି ଓ ପ୍ରଧାନମନ୍ତ୍ରୀ ଫଟୋ ଉଠେଇବା ବେଳେ ପୁରା ସିକ୍ୟୁରିଟିକୁ ପ୍ରାଧାନ୍ୟ ଦିଆଯାଇଛି । ଗତକାଲିର ଘଟଣା ଉପରେ ଆଲୋଚନା ହେବ ଏଭଳି ଘଟଣା କିପରି ଆଗକୁ ନହେବ ତା ପ୍ରତି ଧ୍ୟାନ ଦେବା ନିହାତି ଆବଶ୍ୟକ । ଏହା ଆମ ଭାବାବେଗର କଥା ଏମିତି ଘଟଣା ହେବା କଥା ନୁହେଁ । ସେଲିବ୍ରେଟି ମାନେ ଜାଣି ନଥାଇ ପାରନ୍ତି କିନ୍ତୁ ମନ୍ଦିର ସେବାୟତ ମାନେ ସଚେତନ କରେଇବା କଥା କାହିଁକି କରେଇ ନାହାଁନ୍ତି ଅନୁଧ୍ୟାନ କରାଯିବ। ଏହାସହ ମନ୍ଦିର ପ୍ରଶାସନ ଉତ୍ତରଦାୟୀ ରହିବ । ଦୋଷୀ ଯିଏ ତା ପ୍ରତି ଦୃଢ଼ କାର୍ଯ୍ୟାନୁଷ୍ଠାନ ହେବା ଦରକାର ।
