ମେକ୍ସିକୋ ସିଟି -ମେକ୍ସିକୋର ରାଜ୍ୟ ଜକାଟୋକାସ ଜାତୀୟ ରାଜପଥରେ ହୋଇଥିବା ଭୟଙ୍କର ସଡକ ଦୁର୍ଘଟଣାରେ 19 ଜଣଙ୍କ ମୃତ୍ୟୁ ଘଟିଛି ଏବଂ 6ଜଣ ଗୁରୁତର ଆହତ ହୋଇଛନ୍ତି।ଜକାଟୋକାସର ଗଭର୍ଣ୍ଣର ଡେବିଡ ମୋନରିୟଲ ଦୁର୍ଘଟଣାକୁ ନିଶ୍ଚିତ କରିଛନ୍ତି।
ୟୁଏସ-ମେକ୍ସିକୋ ବର୍ଡରରେ ଥିବା ଚିହୁଆହୁଆ ରାଜ୍ୟର ସିୟୁଦାଦ ଜୁଆରେଜ ସହରକୁ ଯାତ୍ରୀଙ୍କୁ ନେଇ ଯାଉଥିବା ବସ ମକ୍କେରେ ଭର୍ତ୍ତୀ ଟ୍ରାକ୍ଟର -ଟ୍ରଲୀ ସହ ଧକ୍କା ହେବାପରେ ଉଭୟ ଗାଡି ଖାଲରେ ପଡିଯାଇଥିଲା।ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା।ଆହତମାନଙ୍କୁ ତୁରନ୍ତ ସ୍ଥାନାନ୍ତର କରାଯାଇ ଡାକ୍ତରଖାନା ନିଆଯାଇଥିଲା।ମୃତ୍ୟୁବରଣ କରିଥିବା ସମସ୍ତ 19ଜଣ ମେକ୍ସିକୋ ବାସିନ୍ଦା।
