ମୁମ୍ବାଇ – ବାବ ସିଦ୍ଦୀକୀଙ୍କ ହତ୍ୟା ମାମଲାରେ ମୁମ୍ବାଇ ପୋଲିସ ଅନ୍ୟ ଜଣେ ଅଭିଯୁକ୍ତ ସୁଜୀତ ସୁଶୀଲ ସିଂହ(32 )କୁ ପଞ୍ଜାବର ଲୁଧିୟାନାରୁ ଗିରଫ କରିଛି।ସୁଜିତ ସୁଶୀଲ ସିଂହ ଉପରେ ଏହି ମାମଲାରେ ବାଞ୍ଛିତ ଅଭିଯୁକ୍ତ ଜୀଶାନ ଅଖତରଙ୍କୁ ଦୁଇ ଗିରଫ ଅଭିଯୁକ୍ତଙ୍କ ସହ ପରିଚିତ କରାଇବାର ଅଭିଯୋଗ ରହିଛି।ଏହି ମାମଲାରେ ଗିରଫ ଅଭିଯୁକ୍ତଙ୍କ ସଂଖ୍ୟା 15ରେ ପହଁଞ୍ଚିଛି।ମୁମ୍ବାଇ ପୋଲିସ ଅଭିଯୁକ୍ତଙ୍କୁ ପଞ୍ଜାବରୁ ମୁମ୍ବାଇକୁ ଆଣିଛି।
ଏହି ମାମଲାର ତଦନ୍ତ କରୁଥିବା ଜଣେ ପୋଲିସ ଅଧିକାରୀ ଶନିବାର କହିଛନ୍ତି ଅଭିଯୁକ୍ତ ସୁଜିତ ସିଂହ ଏହି ମାମଲାରେ ବାଞ୍ଛିତ ଅଭିଯୁକ୍ତ ଜୀଶାନ ଅଖତରଙ୍କ ଯୋଗାଯୋଗରେ ଥିଲେ ଏବଂ ଏହି ହତ୍ୟାକାଣ୍ଡର ଯୋଜନା କରିଥିବା ଗୋଷ୍ଠୀର ଏକ ଅଂଶ ଥିଲା।ହତ୍ୟାକାଣ୍ଡର କିଛି ସମୟ ପରେ ସେ ଜଳନ୍ଧର ପଳାଇ ଯାଇଥିଲେ ଏବଂ ସେଠାରେ ଲୁଚି ରହିଥିଲେ।ଗୁପ୍ତ ସୁଚନା ପାଇବା ପରେ ମୁମ୍ବାଇ ପୋଲିସ ପଞ୍ଜାବ ପୋଲିସର ସହାୟତାରେ ଶୁକ୍ରବାର ଦିନ ତାଙ୍କୁ ଗିରଫ କରିଛି।ମୁମ୍ବାଇ ପୋଲିସ ତାଙ୍କୁ ପଚରାଉଚରା କରୁଛି।
