ଗୁରୁଗ୍ରାମ -ଏକ ବିଲ୍ଡିଂର କୋଠରୀରେ ନିଆଁଲାଗି 4 ଜଣ ଯୁବକଙ୍କ ମୃତ୍ୟୁ ଘଟିଛି। ଅଗ୍ନିଶମ ବିଭାଗର ଟିମ ଘଟଣାସ୍ଥଳରେ ପହଁଞ୍ଚିବାବେଳକୁ ନିଆଁ ବହୁମାତ୍ରାରେ ବ୍ୟାପି ଯାଇଥିଲା। କଠିନ ପରିଶ୍ରମ ପରେ ଅଗ୍ନିଶମ ବିଭାଗ ଟିମ ନିଆଁକୁ ଆୟତ୍ତ କରିଥିଲେ।ଅଗ୍ନିକାଣ୍ଡର କାରଣ ସର୍ଟସର୍କିଟ ବୋଲି କୁହାଯାଉଛି।
ସୁଚନାନୁସାରେ ସରସ୍ୱତୀ ଏନକ୍ଲେଭରେ ଶୁକ୍ରବାର ରାତି ପ୍ରାୟ ସାଢେ 12 ଟା ସମୟରେ ଚାରି ମହଲା ବିଲ୍ଡିଂର ପ୍ରଥମ ମହଲାରେ ଥିବା ଏକ କୋଠରୀରେ ନିଆଁ ଲାଗିଯାଇଥିଲା।କୋଠରୀରୁ ଭୟଙ୍କର ନିଆଁ ଦେଖି ନିକଟସ୍ଥ ଲୋକମାନେ ନିଆଁ ଲିଭାଇବାକୁ ଚେଷ୍ଟା କରିଥିଲେ ଏବଂ ଅଗ୍ନିଶମ ବିଭାଗକୁ ସୁଚନା ଦେଇଥିଲେ।
ଅଗ୍ନିଶମ ବାହିନୀର ଟିମ ପହଁଞ୍ଚିବାବେଳକୁ ନିଆଁ ବହୁ ମାତ୍ରାରେ ବ୍ୟାପି ଯାଇଥିଲା।ନିଆଁ ଏବଂ ଧୁଆଁ ଦେଖି ପଡୋଶୀ ଘରେ ରହୁଥିବା ଲୋକମାନେ ମଧ୍ୟ ନିଜ ଘର ଛାଡି ପଳାଇଯାଇଥିଲେ।ଅଗ୍ନିଶମବାହିନୀ ଟିମ ବହୁ ଉଦ୍ୟମ ପରେ ନିଆଁକୁ ଆୟତ୍ତ କରିଥିଲେ।
