ଜୟପୁର– କାର ଧକ୍କାରେ ଜଣେ ବୃ୍ଦ୍ଧା ଜଣକ ଗୁରୁତର ହୋଇଛନ୍ତି । ଗୁରୁତର ବୃଦ୍ଧା ଜଣକ ହେଲେ ଜୟପୁର ଗଙ୍ଗାନଗରରେ ରହୁଥିବା ଦୁର୍ଯୋଧନ ସେନାପତିଙ୍କ ସ୍ତ୍ରୀ ଶଶି ରେଖା ସେନାପତି (୮୦) । ଗତ ରବିବାର ଶଶି ରେଖା ଗଙ୍ଗାନଗର ଛକ ରେ ଠିଆ ହୋଇଥିବା ସମୟରେ ପଛପଟୁ କାର ଧକ୍କା ଦେଇଥିଲା । ଫଳରେ ଶଶି ରେଖାଙ୍କ ହାତ, ଛାତିର ପଞ୍ଜରା ହାଡ ଭାଙ୍ଗି ଯାଇଛି । ଗୁରୁତର ଅବସ୍ଥାରେ ଜୟପୁର ସ୍ଥିତ ଜିଲା ମୁଖ୍ୟ ଚିକିତ୍ସାଳୟରେ ଭର୍ତି କରିଥିଲେ ପରିବାର ଲୋକ। ସେଠାରେ ବାହାର ଚିକିତ୍ସାଳୟକୁ ନେବା ପାଇଁ ଡାକ୍ତର ପରାମର୍ଶ ଦେଇଥିଲେ । ଶଶିରେଖା ଙ୍କ ଗୋଟିଏ ପୁଅ ଜନ୍ମରୁ ଆଖିକୁ ଦିଶୁ ନଥିବା ବେଳ ଆର୍ଥିକ ଅନାଟନ ଦେଇ ଗତି କରିଛନ୍ତି । ଅର୍ଥ ଅଭାବରୁ ପରିବାର ଲେକେ ଗୁରୁତର ଅବସ୍ଥାରେ ଥିବା ଶଶି ରେଖାଙ୍କୁ ଘରକୁ ଆଣିଥିବା ଜଣାଯାଇଛି । ଏନେଇ ଜୟପୁର ଟାଉନ ଥାନାରେ ଅଭିଯୋଗ ହୋଇଛି । ଅଭିଯୋଗ ଅନୁଯାଇ ପୋଲିସ ତଦନ୍ତ ଆରମ୍ଭ କରିଥିବା ଜଣାଯାଇଛି ।
