କନ୍ଧମାଳ- କନ୍ଧମାଳ ଜିଲ୍ଲା ଓ ଦୌରା ଜଜ୍ ତଥା ଜିଲ୍ଲା ଆଇନ୍ସେବା ପ୍ରାଧିକରଣ ଅଧ୍ୟକ୍ଷ, ଶ୍ରୀଯୁକ୍ତ ସତ୍ୟପୀର ମିଶ୍ରଙ୍କ ନିର୍ଦ୍ଧେଶ କ୍ରମେ ମଙ୍ଗଳବାର ଫୁଲବାଣୀ ମଣ୍ଡଳ କାରାଗାର ପରିସର ମଧ୍ୟରେ କାରାଗାର ଅନ୍ତେବାସୀଙ୍କ ପାଇଁ ଏକ ସ୍ବାସ୍ଥ୍ୟ ଓ ଚକ୍ଷୁ ପରୀକ୍ଷା ଶିବିରର ଆୟୋଜନ କରାଯାଇଥିଲା ।ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟର, ଡ଼ାକ୍ତର ବିଜୟ କୃଷ୍ଣ ମିଶ୍ର, ଡାକ୍ତର ଅରବିନ୍ଦ ଦାସ, ଚକ୍ଷୁ ବିଶେଷଜ୍ଞ, ଡାକ୍ତର ପ୍ରୀତମ କୁମାର ଦାସ, ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଅଧିକାରୀ, ଗୁମାଗଡ, ଏସ.କେ ବରାଡ, ଓପିଏଚ ସହାୟକ, ଫାର୍ମାସିଷ୍ଟ ଦେବୀପ୍ରସାଦ ସାହୁ, ସି.ସି ମିଶ୍ର, ପଙ୍କଜ କୁମାର ବେହେରା, ଆଟେନଡ଼ାଣ୍ଟ ପ୍ରମୁଖ ମଣ୍ଡଳ କାରାଗାରରେ ଉପସ୍ଥିତ ରହି କାରାଗାର ଅନ୍ତେବାସୀଙ୍କ ସ୍ବାସ୍ଥ୍ୟ ଓ ଚକ୍ଷୁ ପରୀକ୍ଷା କରିଥିଲେ । ପ୍ରିୟବ୍ରତ ଭୋଇ ଓ ମନୋରଂଜନ ପ୍ରଧାନ ଆମ୍ବୁଲେନ୍ସ ସହାୟକ ମଧ୍ୟ ଉପସ୍ଥିତ ଥିଲେ । ମଣ୍ଡଳ କାରାଗାରର କର୍ମଚାରୀ ମାନେ ଅନ୍ତେବାସୀଙ୍କ ସ୍ବାସ୍ଥ୍ୟ ଓ ଚକ୍ଷୁ ପରୀକ୍ଷାରେ ସହଯୋଗ କରିଥିଲେ ।
