ଭୁବନେଶ୍ୱର, ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳର ନେତା ନବୀନ ପଟ୍ଟନାୟକଙ୍କ ଜନ୍ମ ଦିନରେ ଆଜି ଶଙ୍ଖ ଭବନରେ ମହିଳା, ଯୁବ ଛାତ୍ରଙ୍କୁ ନେଇ ଭୁବନେଶ୍ୱର ବିଜେଡି ପକ୍ଷରୁ ରକ୍ତଦାନ ଶିବିର କରାଯାଇଛି ।
ଏ ସମ୍ପର୍କରେ ସୂଚନା ଦେଇ ଦଳର ବରିଷ୍ଠ ନେତା ଦେବୀ ପ୍ରସାଦ ମିଶ୍ର କହିଛନ୍ତି ଯେ, କେବଳ ଭୁବନେଶ୍ୱର ନୁହେଁ, ସ୍ଵେଛାକୃତ ଭାବେ ବିଭିନ୍ନ ଜିଲ୍ଲା ଓ ଅଂଚଳରେ ବି ଏହା କରାଯାଉଛି. ନବୀନ ପଟ୍ଟନାୟକ ଯାକଯମକରେ ଜନ୍ମଦିନ ପାଳନ କରନ୍ତି ନାହିଁ । ବର୍ତମାନ ସମୟରେ ଯେଉଁ ରକ୍ତର ଆବଶ୍ୟକତା ରହିଛି, ତାକୁ ଦେଖି ଜୀବନ ବିନ୍ଦୁ ଜରିଆରେ ରକ୍ତଦାନ କରିବାକୁ ନବୀନ ପଟ୍ଟନାୟକ ଆହ୍ୱାନ ଦେଇଥିଲେ । . ତେଣୁ ତାଙ୍କ ଜନ୍ମଦିନରେ ରକ୍ତଦାନ କରାଯାଉଛି ।
