ଗଞ୍ଜାମ- କାର୍ ଯୋଗେ କନ୍ଧମାଳରୁ ପଶ୍ଚିମବଙ୍ଗ ରାଜ୍ୟକୁ ଗଞ୍ଜେଇ ଚୋରାଚାଲାଣ ବେଳେ ଧରାପଡିଛି । କାର୍ ରୁ ୬୭ କେଜି ଗଞ୍ଜେଇ ଜବତ କରିବା ସହ ଘଟଣାରେ ଜଡ଼ିତ ତିନି ଜଣଙ୍କୁ ଗିରଫ କରିଛି ପୋଲିସ ।
ଅଭିଯୁକ୍ତ ମାନେ ଏକ ନମ୍ବର ବିହୀନ କାର୍ ଯୋଗେ ଗଞ୍ଜେଇ ଚୋରାଚାଲାଣ କରୁଥିବା ବେଳେ ଭଞ୍ଜନଗର ନିକଟସ୍ଥ ଗାମୁଣ୍ଡି ଗାଁ ନିକଟରେ ଭଞ୍ଜନଗର ପୋଲିସ ଗାଡି ଓ ଗଞ୍ଜେଇକୁ ଜବତ କରିବା ସହ ଘଟଣାରେ ତିନି ଜଣଙ୍କୁ ଗିରଫ କରିଛି । ସେମାନେ ହେଲେ ଏସ୍. ଶେଖ୍, ଟିଙ୍କୁ ଶେଖ୍ ଏବଂ କୃପାସିନ୍ଧୁ ବେହେରା । ଗିରଫ ଅଭିଯୁକ୍ତ ମାନଙ୍କୁ ଆଜି ଭଞ୍ଜନଗର କୋର୍ଟକୁ ଚାଲାଣ କରାଯାଇଥିଲା । ସେଠାରେ ଜାମିନ୍ ନାମାଞ୍ଜୁର ହେବାରୁ ଅଭିଯୁକ୍ତ ମାନଙ୍କୁ ବିଚାରବିଭାଗୀୟ ହାଜତକୁ ପଠାଇ ଦିଆଯାଇଛି । ଏ ସଂକ୍ରାନ୍ତରେ ଥାନା ପକ୍ଷରୁ ୩୧/୨୦ ରେ ଏକ ମାମଲା ରୁଜ୍ଜୁ ହୋଇଛି ।
