ନୂଆଦିଲ୍ଲୀ– ରାମ ବିଳାସ ପାଶୱନଙ୍କୁ ଶ୍ରଦ୍ଧାଂଜଳି ଜ୍ଞାପନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସୋସିଆଲ ମିଡିଆ ଏକ୍ସରେ କେନ୍ଦ୍ରମନ୍ତ୍ରୀ କହିଛନ୍ତି ଯେ, ଭାରତୀୟ ରାଜନୀତିର ଅଜାତଶତ୍ରୁ ଏବଂ ପୂର୍ବତନ କେନ୍ଦ୍ରମନ୍ତ୍ରୀ ରାମବିଳାସ ପାଶୱନଙ୍କ ପୁଣ୍ୟତିଥି ଅବସରରେ ତାଙ୍କୁ ପ୍ରଣାମ କରୁଛି । ରାମ ବିଳାସ ପାଶୱନ ଦଶନ୍ଧି ଧରି ଭାରତୀୟ ରାଜନୀତିରେ ଗରିବ, ଦଳିତ ଓ ପଛୁଆବର୍ଗଙ୍କ ସ୍ୱରକୁ ସୁଦୃଢ କରିଥିଲେ । ସାର୍ବଜନୀନ ଜୀବନରେ ରହି ସେ ଜନହିତର ପ୍ରସଙ୍ଗକୁ ସବୁବେଳେ ପ୍ରାଥମିକତା ଦେଇଥିଲେ । ପଛୁବବର୍ଗର ହିତକୁ ନେଇ ତାଙ୍କର ଯୋଗଦାନ ଓ ଜନସେବାର ଭାବନାକୁ କେବେ ଭୁଲିହେବ ନାହିଁ ।
