ଜୟପୁର , ଚଳିତ ଜୟପୁର ଦଶହରା ମହୋତ୍ସବ-୨୦୨୪ର ଅତିଥି ରୂପେ ଯୋଗ ଦେବାକୁ ସୋମବାର ରାତ୍ରରେ ନିମନ୍ତ୍ରଣ କରାଯାଇଛି ରାଜମାତା ସାରିକା ଦେବୀଙ୍କୁ । ମହୋତ୍ସବ କମିଟି ପକ୍ଷରୁ ବିଧାୟକ ତାରା ପ୍ରସାଦ ବାହିନୀପତି ନିଜେ ଆଜି ସନ୍ଧ୍ୟା ସମୟରେ ଜୟପୁର ରାଜାନଗର ସ୍ଥିତ ଦରବାର ମହଲରେ ପହଂଚିଥିଲେ । ପ୍ରଥମେ ପରିସର ମଧ୍ୟସ୍ଥ ମା’କନକ ଦୁର୍ଗା ମନ୍ଦିରରେ ପୂଜାର୍ଚ୍ଚନା କରାଯାଇଥିଲା । ପରେ ରାଣୀ ମା’ଙ୍କୁ ନିମନ୍ତ୍ରଣ କରାଯାଇଥିଲା । ପରମ୍ପରା ଅନୁସାରେ ପାନପତ୍ର, ଗୁଆ ଦେଇ ରାଣୀ ମା’ ସାରିକାଦେବୀଙ୍କୁ ପାଟଶାଢ଼ୀ ପ୍ରଦାନ ପୂର୍ବକ ନିମନ୍ତ୍ରଣ କରାଯାଇଥିଲା । ଏହି ଅବସରରେ ସାରିକାଦେବୀ ୧୧ ତାରିଖ ରାଜାନଗରରେ ହେଉଥିବା ସାଂସ୍କୃତିକ ସନ୍ଧ୍ୟାରେ କିଛି ସମୟ ଉପସ୍ଥିତ ରହିବାକୁ ସମ୍ମତି ପ୍ରଦାନ କରିଥିବା ବେଳେ ୧୨ ତାରିଖ ତଥା ଦଶହରା ସନ୍ଧ୍ୟାରେ ଦଶହରା ପଡ଼ିଆରେ ଆୟୋଜିତ ରାବଣପୋଡ଼ି କାର୍ଯ୍ୟକ୍ରମରେ ଅତିଥି ଭାବେ ଉପସ୍ଥିତ ରହିବାକୁ ସହମତି ପ୍ରଦାନ କରିଥିଲେ । ଆଜିର ଏହି ନିମନ୍ତ୍ରଣ କାର୍ଯ୍ୟକ୍ରମରେ ମହୋତ୍ସବ କମିଟି ପକ୍ଷରୁ ଦେବେନ୍ଦ୍ର ବାହିନୀପତି, ସନ୍ଦିପ ଦଳେଇ, ଦୁର୍ଗା ପ୍ରସାଦ ସାନ୍ତ୍ରା, ଜଗଦୀଶ ପ୍ରସାଦ ସାହୁ, ସୁମନ୍ତ ସାହୁ, ବୁନୁ ରଥ ପ୍ରମୁଖ ସାମିଲ୍ ହୋଇଥିବା ବେଳେ ମହଲ ପକ୍ଷରୁ କିିଷାନ ରାଠୋର ଉପସ୍ଥିତ ରହିଥିଲେ ।
