କରାଚୀ- ପାକିସ୍ତାନର କରାଚୀର ଜିନ୍ନା ଇଂଟରନ୍ୟାସନାଲ ଏୟାରପୋର୍ଟ ନିକଟରେ ରବିବାର ଜୋରଦାର ବିସ୍ଫୋରଣ ହୋଇଛି । ଏଥିରେ ଅତିକମରେ 3ଜଣ ବିଦେଶୀ ନାଗରିକଙ୍କ ମୃତ୍ୟୁ ହୋଇଥିବା ବେଳେ 17 ଆହତ ହୋଇଛନ୍ତି । ପାକିସ୍ତାନ ମିଡିଆ ମୁତାବକ ବିସ୍ଫୋରଣର ଶବ୍ଦ କରିମାବାଦ, ଡିଫେନ୍ସ ଓ ଜନଶେଦ ରୋଡ ସହିତ ସହରର ବିଭିନ୍ନ ଅଂଚଳରେ ଶୁଣିବାକୁ ମିଳିଛି । ଜିୟୋ ନ୍ୟୁଜ ମୁତାବକ, ଏୟାରପୋର୍ଟର ଟ୍ରାଫିକ ସିଗ୍ନାଲ ନିକଟରେ ଏହି ବିସ୍ଫୋରଣ ହୋଇଛି । ପ୍ରତିବନ୍ଧିତ ସଙ୍ଗଠନ ବଲୁଚ ଲିବରେସନ ଆର୍ମିର ମଜିଦ ବ୍ରିଗେଡ ଏହି ବିସ୍ଫୋରଣ ପାଇଁ ନିଜକୁ ଦାୟୀ କରିଛି ।
