ଗଞ୍ଜାମ- ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ଅନ୍ତର୍ଗତ ବଳଦିଆ ସୁଣ୍ଢିପଲ୍ଲୀ ଗାଁର ଏକ ପରିତ୍ୟକ୍ତ ସ୍ଥାନରେ ଆଜି ସକାଳେ ଏକ ଅପରିପକ୍ୱ କନ୍ୟାଭୃଣ ପଡିଥିବା ଗ୍ରାମବାସୀ ଦେଖିବାକୁ ପାଇଥିଲେ । ସେମାନେ ଏନେଇ ସ୍ଥାନୀୟ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଂଚି ଏହାକୁ ଉଦ୍ଧାର କରିବା ସହିତ ଭୃଣର ପରୀକ୍ଷା ପାଇଁ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ପଠାଇଛି । ତେବେ ଏହା କିପରି ଏଠାରେ ପଡିଲା କିମ୍ବା କେହି ତାକୁ ଏଠାରେ ପକାଇଛି ତାକୁ ନେଇ ସ୍ଥାନୀୟ ଅଂଚଳରେ ଚର୍ଚ୍ଚା ଜୋର୍ ଧରିଛି । ସମ୍ଭବତଃ ଅବୈଧ ସମ୍ପର୍କରୁ ଜାତ ଶିଶୁକନ୍ୟା କିମ୍ବା ଅଲଟ୍ରାସାଉଣ୍ଡରୁ ଗର୍ଭସ୍ଥ ଶିଶୁ କନ୍ୟା ଥିବା ଜାଣି ଏହି ଭୃଣକୁ ହତ୍ୟା କରିବା ପରେ କେହି ଏଠାରେ ଫିଙ୍ଗି ଚାଲିଯାଇଥିବା ସନେ୍ଦହ କରାଯାଉଛି । ପୋଲିସ ପକ୍ଷରୁ ସେନେଇ ଅଧିକ ତଦନ୍ତ ଜାରୀ ରହିଛି ।
