ରାସ୍ତା କଡରେ ଥିବା ରେଲିଂରେ ଧକ୍କା ହେଲା ବସ୍, ୪ମୃତ

ପାଳନପୁର– ବନାସକାଣ୍ଠା ଜିଲ୍ଲାର ଅମ୍ବାଜୀ ଏବଂ ଦାନ୍ତା ମଧ୍ୟରେ ତ୍ରିଶୁଳିଆ ଘାଟ ହନୁମାନ ମନ୍ଦିର ନିକଟରେ ବସ ଦୁର୍ଘଟଣାରେ ଚାରିଜଣ ଯାତ୍ରୀଙ୍କ ମୃତ୍ୟୁ ଘଟିଥିବାବେଳେ 25 ରୁ ଅଧିକ ଆହତ ହୋଇଛନ୍ତି। ଆହତମାନଙ୍କୁ ପାଳନପୁର ଡାକ୍ତରଖାନାରେ ଭର୍ତ୍ତି କରାଯାଇଛି । ପ୍ରାରମ୍ଭିକ ସୂଚନା ଅନୁଯାୟୀ ବସ ଡ୍ରାଇଭର ମଦ୍ୟପାନ କରିଥିବା କଥା କୁହାଯାଉଛି। ପୋଲିସ ସମେତ ପ୍ରଶାସନର ଅନେକ ବରିଷ୍ଠ ଅଧିକାରୀ ଘଟଣାସ୍ଥଳରେ ପହଁଞ୍ଚିଛନ୍ତି। ଉଦ୍ଧାର କାର୍ଯ୍ୟ ଚାଲିଛି। ଗୁଜୁରାଟର ପ୍ରସିଦ୍ଧ ଶକ୍ତି ସ୍ଥଳ ଅମ୍ବାଜୀରୁ ସୋମବାର ସକାଳେ ଖେଡା ଜିଲ୍ଲାର କଠଲାଲ ବାସିନ୍ଦା ଯାତ୍ରୀବାହୀ ବସରେ ଫେରୁଥିଲେ। ତ୍ରିଶୁଳିଆ ଘାଟ ହନୁମାନ ମନ୍ଦିର ନିକଟରେ ବସ ହଠାତ ରେଲିଂ ସହ ଧକ୍କା ହୋଇ ଓଲଟି ପଡିଥିଲା,ଏଥିରେ ଅନେକ ଯାତ୍ରୀ ଆହତ ହୋଇଥିଲେ। ବସରେ 52 ଜଣ ଲୋକ ଯାତ୍ରା କରୁଥିବା କୁହାଯାଉଛି। ଘଟଣାରେ 4ଜଣଙ୍କର ମୃତ୍ୟୁ ହୋଇଥିବା ବେଳେ 25ରୁ ଅଧିକ ଆହତଙ୍କୁ ପାଳନପୁର ଡାକ୍ତରଖାନା ନିଆଯାଇଛି।